more piyā ghar aa.e
ai rī sakhī more piyā ghar aa.e
more piya ghar aae
ai ri sakhi more piya ghar aae
na to apne ghar meñ qarār hai na tirī galī meñ qayām hai
tirī zulf-o-ruḳh kā farefta kahīñ sub.h hai kahīñ shaam hai
na to apne ghar mein qarar hai na teri gali mein qayam hai
teri zulf-o-ruKH ka farefta kahin subh hai kahin sham hai
ham ko yaañ dar-dar phirāyā yaar ne
lā-makāñ meñ ghar banāyā yaar ne
hum ko yan dar-dar phiraya yar ne
la-makan mein ghar banaya yar ne
kis ghar meñ kis hijāb meñ ai jaañ nihāñ ho tum
ham raah dekhte haiñ tumhārī kahāñ ho tum
kis ghar mein kis hijab mein ai jaan nihan ho tum
hum rah dekhte hain tumhaari kahan ho tum
DhūñDhte haiñ aap se us ko pare
shaiḳh sāhib chhoḌ ghar, bāhar chale
DhūñDhte haiñ aap se us ko pare
shaiḳh sāhib chhoḌ ghar, bāhar chale
saayā koī maiñ apne hī paikar se nikālūñ
tanhā.ī batā kaise tujhe ghar se nikālūñ
saya koi main apne hi paikar se nikalun
tanhai bata kaise tujhe ghar se nikalun
kal aate aate mire ghar gaye raqīb ke paas
huzūr aap hī kah deñ ye chaal hai ki nahīñ
kal aate aate mere ghar gaye raqib ke pas
huzur aap hi kah den ye chaal hai ki nahin
ajab e.ajāz hai terī nazar kā
ke ham bhūle haiñ rasta apne ghar kā
ajab eajaz hai teri nazar ka
ke hum bhule hain rasta apne ghar ka
juġhrāfi.e ne kaaT diye rāste mire
tārīḳh ko gila hai ki maiñ ghar nahīñ gayā
jughrafie ne kaT diye raste mere
tariKH ko gila hai ki main ghar nahin gaya
tumhāre ghar se ham nikle ḳhudā ke ghar se tum nikle
tumhīñ īmān se kah do ki kāfir ham haiñ yā tum ho
tumhaare ghar se hum nikle KHuda ke ghar se tum nikle
tumhin iman se kah do ki kafir hum hain ya tum ho
kaun sā ghar hai ki ai jaañ nahīñ kāshāna tirā aur jalva-ḳhana tirā
mai-kada terā hai ka.aba tirā but-ḳhāna tirā sab hai jānāna tirā
kaun sa ghar hai ki ai jaan nahin kashana tera aur jalwa-KHana tera
mai-kada tera hai kaba tera but-KHana tera sab hai jaanana tera
hameñ hai ghar se ta.alluq ab is qadar baaqī
kabhī jo aa.e to do-din ko mehmāñ kī tarah
hamein hai ghar se talluq ab is qadar baqi
kabhi jo aae to do-din ko mehman ki tarah
Thaharnā dil meñ kuchh behtar na jaanā
bhare ghar ko unhoñ-ne ghar na jaanā
Thaharna dil mein kuchh behtar na jaana
bhare ghar ko unhon-ne ghar na jaana
ishq-e-but ka.aba-e-dil meñ hai ḳhudāyā jab se
terā ghar bhī mujhe but-ḳhāna nazar aatā hai
ishq-e-but kaba-e-dil mein hai KHudaya jab se
tera ghar bhi mujhe but-KHana nazar aata hai
dil hamārā ki ghar ye terā thā
kyuuñ shikast is makān par aa.ī
dil hamara ki ghar ye tera tha
kyun shikast is makan par aai
pūchhā maiñ dard se ki batā tū sahī mujhe
ai ḳhānumāñ-ḳharāb hai tere bhī ghar kahīñ
pūchhā maiñ dard se ki batā tū sahī mujhe
ai ḳhānumāñ-ḳharāb hai tere bhī ghar kahīñ
mujhī se pūchte ho meñ hī batlā duuñ ki tum kyā ho
tajallī tūre-sīnā kī mere ghar kā ujālā ho
mujhi se puchte ho mein hi batla dun ki tum kya ho
tajalli ture-sina ki mere ghar ka ujala ho
maiñ ne pūchhā ġhair ke ghar aap kyā karte rahe
hañs ke farmāyā tumhārā rāstā dekhā kiye
main ne puchha ghair ke ghar aap kya karte rahe
hans ke farmaya tumhaara rasta dekha kiye
man paayā hai us ne dil merā ka.aba hai ghar allāh kā hai
ab khod ke us ko phikvā de vo but na kahīñ buniyād satī
man paya hai us ne dil mera kaba hai ghar allah ka hai
ab khod ke us ko phikwa de wo but na kahin buniyaad sati
jaan kho baiThegā apnī ye 'nasīr'-e-ḳhasta-dil
us ke pahlū se ab uTh kar ghar ko kyā jaate ho tam
jaan kho baiThega apnī ye 'nasir'-e-KHasta-dil
us ke pahlu se ab uTh kar ghar ko kya jate ho tam
apne hāthoñ mehñdī lagā.ī maañg bhī maiñ ne dekho sajā.ī
aa.e piyā ghar rim-jhim barse jaao batā do sāvan ko
apne hathon mehndi lagai mang bhi main ne dekho sajai
aae piya ghar rim-jhim barse jao bata do sawan ko
na tum aa.e na apnī yaad ko bhejā mire dil meñ
ye vo ghar hai ki jis ko tum ne rakhā be-makīñ barsoñ
na tum aae na apni yaad ko bheja mere dil mein
ye wo ghar hai ki jis ko tum ne rakha be-makin barson
ḳhayāl-e-yār salāmat tujhe ḳhudā rakkhe
tire baġhair kabhī ghar meñ raushnī na huī
KHayal-e-yar salamat tujhe KHuda rakkhe
tere baghair kabhi ghar mein raushni na hui
chDh channā ke kar rushnā.ī kaalī raat hijr dī
shamhā jamāl kamāl sajjan dī aa ghar baal asāDe
chDh channa ke kar rushnai kali raat hijr di
shamha jamal kamal sajjan di aa ghar baal asaDe
nahīñ dīn-o-duniyā ka hosh ab huuñ hijr meñ terī jaañ ba-lab
mujhe kaaTe khātā hai apnā ghar nā idhar kā rahnā udhar kā rahā
nahin din-o-duniya ka hosh ab hun hijr mein teri jaan ba-lab
mujhe kaTe khata hai apna ghar na idhar ka rahna udhar ka raha
ka.aba ho but-kada ho ki vo kū-e-dost ho
dil terā chāhe jis meñ usī ghar meñ jā ke pī
kaba ho but-kada ho ki wo ku-e-dost ho
dil tera chahe jis mein usi ghar mein ja ke pi
paate nahīñ aap ko kahīñ yaañ
hairān haiñ kis ke ghar ga.e ham
pate nahīñ aap ko kahīñ yañ
hairān haiñ kis ke ghar gae hum
ishq kī daulat dil-e-muztar kā hai ghar aag meñ
kyuuñ na ho iksīr paara kushta ho gar aag meñ
ishq ki daulat dil-e-muztar ka hai ghar aag mein
kyun na ho iksir para kushta ho gar aag mein
dekh kar ka.abe ko ḳhālī maiñ ye kah kar aa gayā
aise ghar ko kyā karūñgā jis ke andar tū nahīñ
dekh kar kabe ko KHali main ye kah kar aa gaya
aise ghar ko kya karunga jis ke andar tu nahin
tire ghar meñ is darja chhup chhup ke ro.e
ki shāhid hai ek ek ko ronā hamārā
tere ghar mein is darja chhup chhup ke roe
ki shahid hai ek ek ko rona hamara
ban jā.egā allāh kā ghar ḳhud hī kisī din
filhāl 'fanā' ko sanam-ḳhāna kaheñge
ban jaega allah ka ghar KHud hi kisi din
filhaal 'fana' ko sanam-KHana kahenge
'asar' in sulūkoñ pe kyā lutf hai
phir us be-muravvat ke ghar jā.iye
'asar' in sulukon pe kya lutf hai
phir us be-murawwat ke ghar jaiye
ek din vo mere ghar hai ek din vo us ke ghar
ġhair kī qismat bhī hai mere muqaddar kā javāb
ek din wo mere ghar hai ek din wo us ke ghar
ghair ki qismat bhi hai mere muqaddar ka jawab
īmān de ke mol liyā ishq-e-fitnā-gar
baazī lgā ke jiit kā ghar dekhte rahe
iman de ke mol liya ishq-e-fitna-gar
bazi lga ke jit ka ghar dekhte rahe
maiñe baḳhsī hai tārīkiyoñ ko ziyā aur ḳhud ik tajllī kā muhtāj huuñ
raushnī dene vaalī ko bhī kam se kam ik diyā chāhiye apne ghar ke liye
maine baKHsi hai tarikiyon ko ziya aur KHud ek tajlli ka muhtaj hun
raushni dene wali ko bhi kam se kam ek diya chahiye apne ghar ke liye
hamīñ dair-o-ka.aba ḳhudā-o-sanam
hamīñ sāhab-ḳhāna ghar bhī hamīñ
hamin dair-o-kaba KHuda-o-sanam
hamin sahab-KHana ghar bhi hamin
jalva dikhā ke guzrā vo nuur dīdgāñ kā
tārīk kar gayā ghar hasrat-e-kashīdgāñ kā
jalwa dikhā ke guzrā wo nur dīdgāñ kā
tārīk kar gayā ghar hasrat-e-kashīdgāñ kā
ham aise hue dekh kar mahv-e-hairat
ḳhabar hī nahīñ kaun aayā hai ghar meñ
hum aise hue dekh kar mahw-e-hairat
KHabar hi nahin kaun aaya hai ghar mein
agar ek pal ho judā.ī terī
to sahrā mujhe saarā ghar-bār ho
agar ek pal ho judai teri
to sahra mujhe sara ghar-bar ho
kar ke dil ko shikār āñkhoñ meñ
ghar kare hai to yaar āñkhoñ meñ
kar ke dil ko shikar aankhon mein
ghar kare hai to yar aankhon mein
yahāñ se 'bedār' gayā vo mah-e-tābāñ shāyad
nazar aatā hai ye ghar aaj to be-nūr hameñ
yahan se 'bedar' gaya wo mah-e-taban shayad
nazar aata hai ye ghar aaj to be-nur hamein
to dharī jā.egī us ghar se jo niklī koī baat
nigah-e-shauq ye dīvār meñ rauzan kaisā
to dhari jaegi us ghar se jo nikli koi baat
nigah-e-shauq ye diwar mein rauzan kaisa
'nādir' firāq-e-yār meñ majnūñ to ban gayā
ḳhāna-badosh baiT kahīñ terā ghar bhī hai
'nadir' firaq-e-yar mein majnun to ban gaya
KHana-badosh baiT kahin tera ghar bhi hai
lagtā hai na ghar meñ dil na bāhar
kis ne ye kiyā udaas mujh ko
lagtā hai na ghar meñ dil na bāhar
kis ne ye kiyā udas mujh ko
kiyā barbād armānoñ ne dil ko
mire dushman to ghar ke fard nikle
kiya barbaad armanon ne dil ko
mere dushman to ghar ke fard nikle
gar dil meñ chashm-e-bīnā ho bul-ḳhānā ho yā kaba ho
ghar ghar meñ hai us ks darshan subhānallah subhānallah
gar dil mein chashm-e-bina ho bul-KHana ho ya kaba ho
ghar ghar mein hai us ks darshan subhanallah subhanallah
tum to aate hī qayāmat karte ho sāhab bapā
dil meñ aate ho to aao ghar meñ aane kī tarah
tum to aate hi qayamat karte ho sahab bapa
dil mein aate ho to aao ghar mein aane ki tarah
lagā.ī aag bhī is ehtimām se us ne
hamārā jaltā huā ghar nigār-ḳhāna lagā
lagai aag bhi is ehtimam se us ne
hamara jalta hua ghar nigar-KHana laga
aa ke mere ghar se jab vo mahfil-ārā phir gayā
us ke phirne se mere siine pe aarā phir gayā
aa ke mere ghar se jab wo mahfil-ara phir gaya
us ke phirne se mere sine pe aara phir gaya
aaj ik aur baras biit gayā us ke baġhair
jis ke hote hue hote the zamāne mere
