rañg-e-gul phīkā hai jis ke sāmne
itnā rañgīñ yaar kā ruḳhsār hai
rang-e-gul phika hai jis ke samne
itna rangin yar ka ruKHsar hai
bāġh-e-jahāñ ke gul haiñ yā ḳhaar haiñ to ham haiñ
gar yaar haiñ to ham haiñ aġhyār haiñ to ham haiñ
bāġh-e-jahāñ ke gul haiñ yā ḳhaar haiñ to hum haiñ
gar yar haiñ to hum haiñ aġhyār haiñ to hum haiñ
sūrat-e-gul meñ khilkhilā ke hañsā
shakl-e-bulbul meñ chahchahā dekhā
surat-e-gul mein khilkhila ke hansa
shakl-e-bulbul mein chahchaha dekha
sambhal jaao chaman vaalo ḳhatar hai ham na kahte the
jamāl-e-gul ke parde meñ sharar hai ham na kahte the
sambhal jao chaman walo KHatar hai hum na kahte the
jamal-e-gul ke parde mein sharar hai hum na kahte the
bulbul ko mubārak ho havā-e-gul-o-gulshan
parvāne ko soz-e-dil-e-parvāna mubārak
bulbul ko mubarak ho hawa-e-gul-o-gulshan
parwane ko soz-e-dil-e-parwana mubarak
maiñ vo gul huuñ na fursat dī ḳhizāñ ne jis ko hañsne kī
charāġh-e-qabr bhī jal kar na apnā gul-fishāñ hogā
main wo gul hun na fursat di KHizan ne jis ko hansne ki
charagh-e-qabr bhi jal kar na apna gul-fishan hoga
jaan jaatī hai chalī dekh ke ye mausam-e-gul
hijar-o-furqat kā mirī jaan ye gulfām nahīñ
jaan jati hai chali dekh ke ye mausam-e-gul
hijar-o-furqat ka meri jaan ye gulfam nahin
vo fasl-e-gul meñ dil ko jalā kar chale gaye
is martaba to aag lagā dī bahār ne
wo fasl-e-gul mein dil ko jala kar chale gaye
is martaba to aag laga di bahaar ne
saare 'ālam meñ terī ḳhushbū hai
ai mere rashk-e-gul kahāñ tū hai
sare 'alam mein teri KHushbu hai
ai mere rashk-e-gul kahan tu hai
gul kā kiyā jo chaak garebāñ bahār ne
dast-e-junūñ lage mire kapḌe utārne
gul ka kiya jo chaak gareban bahaar ne
dast-e-junun lage mere kapDe utarne
gul-rūyoñ ke ḳhayāl ne gulshan banā diyā
siina kabhī madīna kabhī karbalā huā
gul-ruyon ke KHayal ne gulshan bana diya
sina kabhi madina kabhi karbala hua
jaan dī bulbuloñ ne jab gul par
tab vo gulzār meñ nazar aayā
jaan di bulbulon ne jab gul par
tab wo gulzar mein nazar aaya
kuchh aisā dard shor-e-qalb-e-bulbul se nikal aayā
ki vo ḳhud rañg ban kar chehra-e-gul se nikal aayā
kuchh aisa dard shor-e-qalb-e-bulbul se nikal aaya
ki wo KHud rang ban kar chehra-e-gul se nikal aaya
ne gul ko hai sabāt na ham ko hai e'tibār
kis baat par chaman havas-e-rañg-o-bū kareñ
ne gul ko hai sabāt na hum ko hai e'tibār
kis baat par chaman hawas-e-rañg-o-bū kareñ
shaidā-e-rū-e-gul na hai shaidā-e-qad-e-sarv
sayyād ke shikār haiñ is bostāñ meñ ham
shaida-e-ru-e-gul na hai shaida-e-qad-e-sarw
sayyaad ke shikar hain is bostan mein hum
hameñ to baaġh tujh bin ḳhāna-e-mātam nazar aayā
idhar gul phāḌte the jaib rotī thī udhar shabnam
hameñ to baġh tujh bin ḳhāna-e-mātam nazar aayā
idhar gul phāḌte the jaib rotī thī udhar shabnam
muntazir hai aap ke jalve kī nargis baaġh meñ
gul garebāñ-chāk shabnam ik taraf nam-dīda hai
muntazir hai aap ke jalwe ki nargis bagh mein
gul gareban-chaak shabnam ek taraf nam-dida hai
fasl-e-gul aa.ī yā ajl aa.ī kyuuñ dar-e-zindāñ khultā hai
yā koī vahshī aur aa pahuñchā yā koī qaidī chuuT gayā
fasl-e-gul aai ya ajl aai kyun dar-e-zindan khulta hai
ya koi wahshi aur aa pahuncha ya koi qaidi chuT gaya
kiyā sair sab ham ne gulzār-e-duniyā
gul-e-dostī meñ ajab rañg-o-bū hai
kiyā sair sab hum ne gulzār-e-duniyā
gul-e-dostī meñ ajab rañg-o-bū hai
koī tabsira bhī kare to kyā tire pur-ḳhulūs shi'ār par
jo nasīb-e-gul hai tirā karam to nigāh-e-lutf hai ḳhaar par
koi tabsira bhi kare to kya tere pur-KHulus shi'ar par
jo nasib-e-gul hai tera karam to nigah-e-lutf hai KHar par
'āsī'-e-giryāñ milā mahbūb se
gul se shabnam jis tarah ro kar mile
'asi'-e-giryan mila mahbub se
gul se shabnam jis tarah ro kar mile
kyuuñ na rashk aa.e gul-e-surḳh pe shabnam ko dekh
ki merā ashk terī kaan kā gauhar na huā
kyun na rashk aae gul-e-surKH pe shabnam ko dekh
ki mera ashk teri kan ka gauhar na hua
gulshan-parast huuñ mujhe gul hī nahīñ aziiz
kāñToñ se bhī nibāh kiye jā rahā huuñ maiñ
gulshan-parast hun mujhe gul hi nahin aziz
kanTon se bhi nibah kiye ja raha hun main
is gul-e-ra.anā ne hañs kar baat kī
ġhuncha-e-ḳhātir hamārā khil gayā
is gul-e-rana ne hans kar baat ki
ghuncha-e-KHatir hamara khil gaya
kisī kā saath sonā yaad aatā hai to rotā huuñ
mire ashkoñ kī shiddat se sadā gul-takiya galtā hai
kisi ka sath sona yaad aata hai to rota hun
mere ashkon ki shiddat se sada gul-takiya galta hai
mire gul ko lā ye apne phuul le jā andalīb
aise kāñToñ se nahīñ fāñseñ nikalvānī mujhe
mere gul ko la ye apne phul le ja andalib
aise kanTon se nahin fansen nikalwani mujhe
samajh kar saañp us ko vo gale se mere aa lipTā
jo shab bistar pe dekhā gul-badan ne haar kā saayā
samajh kar sanp us ko wo gale se mere aa lipTa
jo shab bistar pe dekha gul-badan ne haar ka saya
har gul hai chāk-dāman har ġhuncha dil-e-girafta
ai bāġhbān-e-qudrat fasl-e-bahār kyā hai
har gul hai chaak-daman har ghuncha dil-e-girafta
ai baghban-e-qudrat fasl-e-bahaar kya hai
koī us kā ho girebāñ-gīr ye kahtā nahīñ
bāġhbāñ dāmān-e-gul ko gul pe kyuuñ khīñche haiñ aap
koi us ka ho gireban-gir ye kahta nahin
baghban daman-e-gul ko gul pe kyun khinche hain aap
shāḳh-e-gul hiltī nahīñ ye bulbuloñ ko baaġh meñ
haath apne ke ishāre se bulātī hai bahār
shāḳh-e-gul hiltī nahīñ ye bulbuloñ ko baġh meñ
hath apne ke ishāre se bulātī hai bahār
dekhte the taḳhta-e-gul-hā-e-ātish kī bahār
jis tarah yaaro ḳhalīlullāh payambar aag meñ
dekhte the taKHta-e-gul-ha-e-atish ki bahaar
jis tarah yaro KHalilullah payambar aag mein
sabā kī tarah rahā meñ bhī kū-ba-kū phirtā
hamāre dil se bhī us gul kī justujū na ga.ī
saba ki tarah raha mein bhi ku-ba-ku phirta
hamare dil se bhi us gul ki justuju na gai
jab mausam-e-gul aan ke tā.īd kare hai
tab josh-e-junūñ 'aql kī tardīd kare hai
jab mausam-e-gul aan ke taid kare hai
tab josh-e-junun 'aql ki tardid kare hai
gul tire gulshan hai terā sab bahāreñ haiñ terī
āshiyān-o-barq sab kahte haiñ afsāna tirā
gul tere gulshan hai tera sab bahaaren hain teri
aashiyan-o-barq sab kahte hain afsana tera
baañd kar gulnār chīrā gul-badan jaatā hai baaġh
aaj ḳhātir meñ tire bulbul kī mismārī hai kyā
band kar gulnar chira gul-badan jata hai bagh
aaj KHatir mein tere bulbul ki mismari hai kya
kyā kahā tū ne sabā kah tū chaman meñ kyuuñ aaj
ġhunche ko tañg-dilī gul ko pareshānī hai
kya kaha tu ne saba kah tu chaman mein kyun aaj
ghunche ko tang-dili gul ko pareshani hai
sar-o-barg-e-ḳhushī ai gul-badan tujh bin kahāñ mujh ko
gulistān-e-dil aayā fauj-e-ġham kī pā.emālī meñ
sar-o-barg-e-ḳhushī ai gul-badan tujh bin kahāñ mujh ko
gulistān-e-dil aayā fauj-e-ġham kī pāemālī meñ
gul to gul ḳhaar tak chun liye haiñ
phir bhī ḳhālī hai gulchīñ kā dāman
gul to gul KHar tak chun liye hain
phir bhi KHali hai gulchin ka daman
kabhī shāḳh-o-sabza-o-barg par kabhī ġhuncha-o-gul-o-ḳhār par
maiñ chaman meñ chāhe jahāñ rahūñ mirā haq hai fasl-e-bahār par
kabhi shaKH-o-sabza-o-barg par kabhi ghuncha-o-gul-o-KHar par
main chaman mein chahe jahan rahun mera haq hai fasl-e-bahaar par
tum jā ke chaman meñ gul-o-bulbul ko to dekho
kyā lutf tah-e-chādar shabnam nahīñ hotā
tum ja ke chaman mein gul-o-bulbul ko to dekho
kya lutf tah-e-chadar shabnam nahin hota
nāla-e-bulbul huā nāqūs-e-dair
gul kiyā jis vaqt gulzār-e-butāñ
nala-e-bulbul hua naqus-e-dair
gul kiya jis waqt gulzar-e-butan
ātish se gul kī daaġh magar 'ishq' khaa.e the
aa.ī jo peshvā tujhe lene ko nau-bahār
aatish se gul ki dagh magar 'ishq' khae the
aai jo peshwa tujhe lene ko nau-bahaar
ai 'turāb' jab gul-badan ke dard suuñ giryāñ kiyā
dāman-e-gul par mirā har ashk durdāna huā
ai 'turab' jab gul-badan ke dard sun giryan kiya
daman-e-gul par mera har ashk durdana hua
dil merā hai misl-e-bulbul na.ara-zan
misl-e-bū gul-rū gayā gulzār se
dil mera hai misl-e-bulbul nara-zan
misl-e-bu gul-ru gaya gulzar se
garāñ hai tauba ko miinā kā shor-e-qulqul bhī
ye gul machā.e to us kā galā dabā denā
garan hai tauba ko mina ka shor-e-qulqul bhi
ye gul machae to us ka gala daba dena
mujhe tum dekhte ho aur us hasrat se maiñ tum ko
ki bulbul rū-e-gul ko aur gul bulbul ke armāñ ko
mujhe tum dekhte ho aur us hasrat se main tum ko
ki bulbul ru-e-gul ko aur gul bulbul ke arman ko
kiyūñ gul-e-āriz pe tumne zulf bikhrā.ī nahīñ
chashma-e-ḳhurshīd meñ kiyūñ saañp lahrāyā nahīñ
kiyun gul-e-ariz pe tumne zulf bikhrai nahin
chashma-e-KHurshid mein kiyun sanp lahraya nahin
dikhā mujh ko dīdār ai gul-ezār
tujhe apne bāġh-e-iram kī qasam
dikha mujh ko didar ai gul-ezar
tujhe apne bagh-e-iram ki qasam
