Gul Shayari

rañg-e-gul phīkā hai jis ke sāmne

itnā rañgīñ yaar kā ruḳhsār hai

rang-e-gul phika hai jis ke samne

itna rangin yar ka ruKHsar hai

bāġh-e-jahāñ ke gul haiñ yā ḳhaar haiñ to ham haiñ

gar yaar haiñ to ham haiñ aġhyār haiñ to ham haiñ

bāġh-e-jahāñ ke gul haiñ yā ḳhaar haiñ to hum haiñ

gar yar haiñ to hum haiñ aġhyār haiñ to hum haiñ

jaan dī bulbuloñ ne jab gul per

tab vo gulzār meñ nazar aa.yā

jaan di bulbulon ne jab gul per

tab wo gulzar mein nazar aaya

sūrat-e-gul meñ khilkhilā ke hañsā

shakl-e-bulbul meñ chahchahā dekhā

surat-e-gul mein khilkhila ke hansa

shakl-e-bulbul mein chahchaha dekha

maiñ vo gul huuñ na fursat dī ḳhizāñ ne jis ko hañsne kī

charāġh-e-qabr bhī jal kar na apnā gul-fishāñ hogā

main wo gul hun na fursat di KHizan ne jis ko hansne ki

charagh-e-qabr bhi jal kar na apna gul-fishan hoga

vo fasl-e-gul meñ dil ko jalā kar chale gaye

is martaba to aag lagā dī bahār ne

wo fasl-e-gul mein dil ko jala kar chale gaye

is martaba to aag laga di bahaar ne

sambhal jaao chaman vaalo ḳhatar hai ham na kahte the

jamāl-e-gul ke parde meñ sharar hai ham na kahte the

sambhal jao chaman walo KHatar hai hum na kahte the

jamal-e-gul ke parde mein sharar hai hum na kahte the

gul-rūyoñ ke ḳhayāl ne gulshan banā diyā

siina kabhī madīna kabhī karbalā huā

gul-ruyon ke KHayal ne gulshan bana diya

sina kabhi madina kabhi karbala hua

fasl-e-gul aa.ī yā ajl aa.ī kyuuñ dar-e-zindāñ khultā hai

yā koī vahshī aur aa pahuñchā yā koī qaidī chuuT gayā

fasl-e-gul aai ya ajl aai kyun dar-e-zindan khulta hai

ya koi wahshi aur aa pahuncha ya koi qaidi chuT gaya

'āsī'-e-giryāñ milā mahbūb se

gul se shabnam jis tarah ro kar mile

'asi'-e-giryan mila mahbub se

gul se shabnam jis tarah ro kar mile

bulbul ko mubārak ho havā-e-gul-o-gulshan

parvāne ko soz-e-dil-e-parvāna mubārak

bulbul ko mubarak ho hawa-e-gul-o-gulshan

parwane ko soz-e-dil-e-parwana mubarak

shaidā-e-rū-e-gul na hai shaidā-e-qad-e-sarv

sayyād ke shikār haiñ is bostāñ meñ ham

shaida-e-ru-e-gul na hai shaida-e-qad-e-sarw

sayyaad ke shikar hain is bostan mein hum

jaan jaatī hai chalī dekh ke ye mausam-e-gul

hijar-o-furqat kā mirī jaan ye gulfām nahīñ

jaan jati hai chali dekh ke ye mausam-e-gul

hijar-o-furqat ka meri jaan ye gulfam nahin

kiyā sair sab ham ne gulzār-e-duniyā

gul-e-dostī meñ ajab rañg-o-bū hai

kiyā sair sab hum ne gulzār-e-duniyā

gul-e-dostī meñ ajab rañg-o-bū hai

kuchh aisā dard shor-e-qalb-e-bulbul se nikal aayā

ki vo ḳhud rañg ban kar chehra-e-gul se nikal aayā

kuchh aisa dard shor-e-qalb-e-bulbul se nikal aaya

ki wo KHud rang ban kar chehra-e-gul se nikal aaya

ne gul ko hai sabāt na ham ko hai e'tibār

kis baat par chaman havas-e-rañg-o-bū kareñ

ne gul ko hai sabāt na hum ko hai e'tibār

kis baat par chaman hawas-e-rañg-o-bū kareñ

gul kā kiyā jo chaak garebāñ bahār ne

dast-e-junūñ lage mire kapḌe utārne

gul ka kiya jo chaak gareban bahaar ne

dast-e-junun lage mere kapDe utarne

muntazir hai aapke jalve kī nargis baaġh meñ

gul garebāñ-chāk shabnam ik tarf nam-dīd hia

muntazir hai aapke jalwe ki nargis bagh mein

gul gareban-chaak shabnam ek tarf nam-did hia

hameñ to baaġh tujh bin ḳhāna-e-mātam nazar aayā

idhar gul phāḌte the jaib rotī thī udhar shabnam

hameñ to baġh tujh bin ḳhāna-e-mātam nazar aayā

idhar gul phāḌte the jaib rotī thī udhar shabnam

koī tabsira bhī kare to kyā tire pur-ḳhulūs shi.ār par

jo nasīb-e-gul hai tirā karam to nigāh-e-lutf hai ḳhaar par

koi tabsira bhi kare to kya tere pur-KHulus shiar par

jo nasib-e-gul hai tera karam to nigah-e-lutf hai KHar par

shāḳh-e-gul hiltī nahīñ ye bulbuloñ ko baaġh meñ

haath apne ke ishāre se bulātī hai bahār

shāḳh-e-gul hiltī nahīñ ye bulbuloñ ko baġh meñ

hath apne ke ishāre se bulātī hai bahār

har gul hai chāk-dāman har ġhuncha dil-e-girafta

ai bāġhbān-e-qudrat fasl-e-bahār kyā hai

har gul hai chaak-daman har ghuncha dil-e-girafta

ai baghban-e-qudrat fasl-e-bahaar kya hai

sabā kī tarah rahā meñ bhī kū-ba-kū phirtā

hamāre dil se bhī us gul kī justujū na ga.ī

saba ki tarah raha mein bhi ku-ba-ku phirta

hamare dil se bhi us gul ki justuju na gai

kisī kā saath sonā yaad aatā hai to rotā huuñ

mire ashkoñ kī shiddat se sadā gul-takiya galtā hai

kisī kā sath sonā yaad aatā hai to rotā huñ

mere ashkoñ kī shiddat se sadā gul-takiya galtā hai

tirā vojūd hai jān-e-bahār-e-gulshan-e-chisht

tujhī se nikhat-e-har gul hai yā ġharībnavāz

tera wojud hai jaan-e-bahaar-e-gulshan-e-chisht

tujhi se nikhat-e-har gul hai ya gharibnawaz

saare aalam meñ terī ḳhushbū hai

ai mere rashk-e-gul kahāñ tū hai

sare aalam mein teri KHushbu hai

ai mere rashk-e-gul kahan tu hai

duur ho gar shāmma se tere ġhaflat kā zukām

tū usī kī bū ko paave har gul-o-sausan ke biich

dur ho gar shamma se tere ghaflat ka zukaam

tu usi ki bu ko pawe har gul-o-sausan ke bich

ruḳh pe har sūrat se rakhnā gul-ruḳhāñ ḳhat kā hai kufr

dekho qur.āñ par na rakhiyo bostāñ bahr-e-ḳhudā

ruKH pe har surat se rakhna gul-ruKHan KHat ka hai kufr

dekho quran par na rakhiyo bostan bahr-e-KHuda

sharāb-e-nāb to kyā aag paanī ban ke barse gī

agar abr-e-bahār us ātish-e-gul kā dhuāñ hogā

sharab-e-nab to kya aag pani ban ke barse gi

agar abr-e-bahaar us aatish-e-gul ka dhuan hoga

bazm-e-gul meñ vo gul-e-'izār nahīñ

fasl-e-gul hai magar bahār nahīñ

bazm-e-gul mein wo gul-e-'izar nahin

fasl-e-gul hai magar bahaar nahin

ubhāre se ubhre na gul tere aage

chahakne ko chahke anā dil hazāroñ

ubhaare se ubhre na gul tere aage

chahakne ko chahke ana dil hazaron

ai gul-badan merā tuuñ chaman se na jā na jā

ruuhī fidāka ya.anī vatan se na jā na jā

ai gul-badan mera tun chaman se na ja na ja

ruhi fidaka yani watan se na ja na ja

āh-e-sozāñ o ashk-e-gul-gūñ se

kār-e-barq-o-sahāb kartā huuñ

aah-e-sozan o ashk-e-gul-gun se

kar-e-barq-o-sahab karta hun

mire gul ko lā ye apne phuul le jā andalīb

aise kāñToñ se nahīñ fāñseñ nikalvānī mujhe

mere gul ko la ye apne phul le ja andalib

aise kanTon se nahin fansen nikalwani mujhe

is chaman kī sair meñ ai gul-ezār

'ishq' kī āñkhoñ meñ tūfāñ yā-nasīb

is chaman ki sair mein ai gul-ezar

'ishq' ki aankhon mein tufan ya-nasib

joñ gul tū hañse hai khil-khilā kar

shabnam kī tarah mujhe rulā kar

jon gul tu hanse hai khil-khila kar

shabnam ki tarah mujhe rula kar

un ko gul kā muqaddar milā

mujh ko shabnam kī qismat milī

un ko gul ka muqaddar mila

mujh ko shabnam ki qismat mili

aane do us gul-badan ko mujh meñ puure husn se

andalīb-e-dil huuñ aalam mujh par nālāñ to sahī

aane do us gul-badan ko mujh mein pure husn se

andalib-e-dil hun aalam mujh par nalan to sahi

shīshe meñ hasīñ bāda-e-gul-fām hasīñ hai

mai-ḳhāna-e-islām kā har jaam hasīñ hai

shishe mein hasin baada-e-gul-fam hasin hai

mai-KHana-e-islam ka har jam hasin hai

samajh kar saañp us ko vo gale se mere aa lipTā

jo shab bistar pe dekhā gul-badan ne haar kā saayā

samajh kar sanp us ko wo gale se mere aa lipTa

jo shab bistar pe dekha gul-badan ne haar ka saya

saaf yā durd-e-bāda-e-gul-gūñ

sāqī-e-lāla-fām kuchh bhī hai

saf yā durd-e-bāda-e-gul-gūñ

sāqī-e-lāla-fām kuchh bhī hai

tū vo gul-e-ra.anā hai jo aa jaa.e chaman meñ

jhūmā kareñ ik vajd ke aalam meñ shajar bhī

tu wo gul-e-rana hai jo aa jae chaman mein

jhuma karen ek wajd ke aalam mein shajar bhi

bane pañkhuḌī naqsh-e-pā kab lahad par

tujhe ai sabā gul katarnā na aayā

bane pankhuDi naqsh-e-pa kab lahad par

tujhe ai saba gul katarna na aaya

ġhair ke ghar meñ bhī 'rāqim' aaj tum hote chalo

ek chhachhūñdar chhoḌ kar kuchh gul khilāte jā.iye

ghair ke ghar mein bhi 'raqim' aaj tum hote chalo

ek chhachhundar chhoD kar kuchh gul khilate jaiye

lūTegā sab bahār tirī shahna-e-ḳhizāñ

bulbul par kar le tū zar-e-gul ko nisār shāḳh

luTega sab bahaar teri shahna-e-KHizan

bulbul par kar le tu zar-e-gul ko nisar shaKH

dekh ai chaman-e-husn tujhe baaġh meñ ḳhandāñ

shabnam nahīñ ye gul pe ḳhajālat se araq hai

dekh ai chaman-e-husn tujhe bagh mein KHandan

shabnam nahin ye gul pe KHajalat se araq hai

kam nahīñ gulshan meñ shabnam gul-badan gul-pairahan

ġhusl kar mal-mal ke gar āb-e-ravāñ miltā nahīñ

kam nahin gulshan mein shabnam gul-badan gul-pairahan

ghusl kar mal-mal ke gar aab-e-rawan milta nahin

dekhte haiñ sarv-qaddoñ ko jo ham

is meñ gul-gasht-e-sanobar aur hai

dekhte hain sarw-qaddon ko jo hum

is mein gul-gasht-e-sanobar aur hai

gul-gīr kā ḳhatar to patañgoñ kī hai ḳhalish

aafat meñ jaan shaam se sham-e-sahar kī hai

gul-gir ka KHatar to patangon ki hai KHalish

aafat mein jaan sham se sham-e-sahar ki hai

anādil bhī kaliyāñ bhī gul bhī sabā bhī

ye sohbat hai hañsne hañsāne ke qābil

anadil bhi kaliyan bhi gul bhi saba bhi

ye sohbat hai hansne hansane ke qabil