tirā vojūd hai jān-e-bahār-e-gulshan-e-chisht
tujhī se nikhat-e-har gul hai yā ġharībnavāz
tera wojud hai jaan-e-bahaar-e-gulshan-e-chisht
tujhi se nikhat-e-har gul hai ya gharibnawaz
zaḳhm-e-dil ho gaye phir unkī 'ināyat se hare
mere gulshan meñ phir ik taaza bahār aa.ī hai
zaKHm-e-dil ho gaye phir unki 'inayat se hare
mere gulshan mein phir ek taza bahaar aai hai
gul-rūyoñ ke ḳhayāl ne gulshan banā diyā
siina kabhī madīna kabhī karbalā huā
gul-ruyon ke KHayal ne gulshan bana diya
sina kabhi madina kabhi karbala hua
ilāhī bañdh rahī hai aaj gulshan meñ havā kis kī
liye phirtī hai ḳhushbū dam-ba-dam bād-e-sabā kis kī
ilahi bandh rahi hai aaj gulshan mein hawa kis ki
liye phirti hai KHushbu dam-ba-dam baad-e-saba kis ki
jis din se bū-e-zulf le aa.ī hai apne saath
is gulshan-e-jahāñ meñ huā huuñ sabā-parast
jis din se bu-e-zulf le aai hai apne sath
is gulshan-e-jahan mein hua hun saba-parast
aaj rūThe hue jāsan ko bahut yaad kiyā
apne ujḌe hue gulshan ko bahut yaad kiyā
aaj ruThe hue jasan ko bahut yaad kiya
apne ujDe hue gulshan ko bahut yaad kiya
jab vo hote haiñ sehn-e-gulshan meñ
mausam-e-nau-bahār hotā hai
jab wo hote hain sehn-e-gulshan mein
mausam-e-nau-bahaar hota hai
sub.h nahīñ be-vaj.h jalā.e laale ne gulshan meñ charāġh
dekh ruḳh-e-gulnār-e-sanam niklā hai vo laala phūloñ kā
subh nahin be-wajh jalae lale ne gulshan mein charagh
dekh ruKH-e-gulnar-e-sanam nikla hai wo lala phulon ka
gulshan-e-jannat kī kyā parvā hai ai rizvāñ unheñ
haiñ jo mushtāq-e-bahisht-e-jāvedān-e-kū-e-dost
gulshan-e-jannat ki kya parwa hai ai rizwan unhen
hain jo mushtaq-e-bahisht-e-jawedan-e-ku-e-dost
satātā hai mujhe sayyād zālim is liye shāyad
ki raunaq us ke gulshan kī mire shaġhl-e-fuġhāñ tak hai
satata hai mujhe sayyaad zalim is liye shayad
ki raunaq us ke gulshan ki mere shaghl-e-fughan tak hai
lagā dī aag un ke sho.ala-e-āriz ne gulshan meñ
zar-e-gul ban ga.iiñ chiñgāriyāñ phūloñ ke dāman meñ
laga di aag un ke shoala-e-ariz ne gulshan mein
zar-e-gul ban gain chingariyan phulon ke daman mein
jab tak ek hasīñ makīñ thā dil meñ har-sū phuul khile the
vo ujḌa to gulshan ujḌā aur havā ābād nahīñ hai
jab tak ek hasin makin tha dil mein har-su phul khile the
wo ujDa to gulshan ujDa aur hawa aabaad nahin hai
rashk-e-gulshan ho ilāhī ye qafas
ye sadā murġh-e-giraftār kī hai
rashk-e-gulshan ho ilahi ye qafas
ye sada murgh-e-giraftar ki hai
har zarra us kī manzil sahrā ho yā ho gulshan
kyuuñ be-nishāñ rahe vo terā jo be-nishāñ hai
har zarra us ki manzil sahra ho ya ho gulshan
kyun be-nishan rahe wo tera jo be-nishan hai
misl-e-gul bāhar gayā gulshan se jab vo gul-'ezār
ashk-e-ḳhūnī se merā tan tar-ba-tar hone lagā
misl-e-gul bahar gaya gulshan se jab wo gul-'ezar
ashk-e-KHuni se mera tan tar-ba-tar hone laga
chashm nargis ban ga.ī hai ishtiyāq-e-dīd meñ
kaun kahtā hai ki gulshan meñ tirā charchā nahīñ
chashm nargis ban gai hai ishtiyaq-e-did mein
kaun kahta hai ki gulshan mein tera charcha nahin
gulshan-e-ālam kī maiñ ne Dālī-Dālī dekh lī
phuul to achchhe haiñ sab lekin vafā kī bū nahīñ
gulshan-e-alam ki main ne Dali-Dali dekh li
phul to achchhe hain sab lekin wafa ki bu nahin
hare kapḌe pahan kar phir na jaanā yaar gulshan meñ
gulū-e-shāḳh-e-gul se ḳhuun Tapkegā shahādat kā
hare kapDe pahan kar phir na jaana yar gulshan mein
gulu-e-shaKH-e-gul se KHun Tapkega shahadat ka
sarv-e-gulshan ho sanober ho ki ho fitna-e-hashr
sach to ye hia ki ġhazab vo qad-e-bālā dekhā
sarw-e-gulshan ho sanober ho ki ho fitna-e-hashr
sach to ye hia ki ghazab wo qad-e-baala dekha
ab dil kā hai vīrān chaman vo gul haiñ kahāñ kaisā gulshan
Thahrā hai qafas hī apnā vatan sayyād mujhe āzād na kar
ab dil ka hai viran chaman wo gul hain kahan kaisa gulshan
Thahra hai qafas hi apna watan sayyaad mujhe aazad na kar
raftār yaar kā agar andāz bhuul jaaye
gulshan meñ ḳhaak uḌātī nasīm-e-sahar phire
raftar yar ka agar andaz bhul jaye
gulshan mein KHak uDati nasim-e-sahar phire
sab tamāshe aap meñ haiñ dekh lo aur chhoḌ do
koh kī taftīsh ban kar fikr-e-gulshan kī talāsh
sab tamashe aap mein hain dekh lo aur chhoD do
koh ki taftish ban kar fikr-e-gulshan ki talash
gulshan-parast huuñ mujhe gul hī nahīñ aziiz
kāñToñ se bhī nibāh kiye jā rahā huuñ maiñ
gulshan-parast hun mujhe gul hi nahin aziz
kanTon se bhi nibah kiye ja raha hun main
ai sabā kyā muñh hai jo da.avā-e-ham-rañgī kare
dekh kar gulshan meñ phūloñ ke kaToroñ ko hinā
ai saba kya munh hai jo dawa-e-ham-rangi kare
dekh kar gulshan mein phulon ke kaToron ko hina
koī rashk-e-gulistāñ hai to koī ġhairat-e-gulshan
hue kyā kyā hasīñ gulcharra paidā āb-o-gil se
koi rashk-e-gulistan hai to koi ghairat-e-gulshan
hue kya kya hasin gulcharra paida aab-o-gil se
aur haiñ jin ko hai ḳhabt-e-ishq-e-hūrān-e-jināñ
ham ko saudā-e-havā-e-gulshan-e-jannat nahīñ
aur hain jin ko hai KHabt-e-ishq-e-huran-e-jinan
hum ko sauda-e-hawa-e-gulshan-e-jannat nahin
tujh bin gulshan meñ gar ga.e ham
juuñ shabnam chashm-tar ga.e ham
tujh bin gulshan meñ gar gae hum
juñ shabnam chashm-tar gae hum
bahār aa.ī hai gulshan meñ vahī phir rañg-e-mahfil hai
kisī jā ḳhada-e-gul hai kahīñ shor-e-'anādil hai
bahaar aai hai gulshan mein wahi phir rang-e-mahfil hai
kisi ja KHada-e-gul hai kahin shor-e-'anadil hai
yuuñ gulshan-e-hastī kī maalī ne banā Daalī
phūloñ se judā kaliyāñ kaliyoñ se judā Daalī
yun gulshan-e-hasti ki mali ne bana Dali
phulon se juda kaliyan kaliyon se juda Dali
kyūñkar na chaleñ gulshan-e-duniyā meñ ye laveñ
ho ga.ī hai miyāñ aah kī tāsīr havā par
kyunkar na chalen gulshan-e-duniya mein ye lawen
ho gai hai miyan aah ki tasir hawa par
kab dimāġh itnā ki kiije jā ke gul-gasht-e-chaman
aur hī gulzār apne dil ke hai gulshan ke biich
kab dimagh itna ki kije ja ke gul-gasht-e-chaman
aur hi gulzar apne dil ke hai gulshan ke bich
ġhazab kī chaal gulshan meñ chalā hai bāġhbāñ 'mohsin'
isī kā ye natīja hai ki pāmāl-e-sa.ūbat huuñ
ghazab ki chaal gulshan mein chala hai baghban 'mohsin'
isi ka ye natija hai ki pamal-e-saubat hun
sair kar de ab ki gulshan-bīñ hai hañgām-e-bahār
ham asīroñ kī rihā.ī ab to ai sayyād ho
sair kar de ab ki gulshan-bin hai hangam-e-bahaar
hum asiron ki rihai ab to ai sayyaad ho
fareb-e-rañg-o-bū-e-dahr mat khā mard-e-āqil ho
samajh ātish-kada is gulshan-e-shādāb-e-duniyā ko
fareb-e-rañg-o-bū-e-dahr mat khā mard-e-āqil ho
samajh ātish-kada is gulshan-e-shādāb-e-duniyā ko
baiThe baiThe vo kiyā karte haiñ har gul pe nazar
dil-e-āshiq hai magar sair kā gulshan un kā
baiThe baiThe wo kiya karte hain har gul pe nazar
dil-e-ashiq hai magar sair ka gulshan un ka
'turāb' hotā hai ashk-e-bārāñ apas meñ tuuñ bol rāz-dārāñ
har ek gulshan meñ nau-bahārāñ ghaḌī meñ kuchh hor ghaḌī meñ kuchh haiñ
'turab' hota hai ashk-e-baran apas mein tun bol raaz-daran
har ek gulshan mein nau-bahaaran ghaDi mein kuchh hor ghaDi mein kuchh hain
naḳhl-band-e-gulshan-e-mazmūñ huuñ faiz-e-fikr se
har varaq dīvāñ kā mere baaġh hai kashmīr kā
naKHl-band-e-gulshan-e-mazmun hun faiz-e-fikr se
har waraq diwan ka mere bagh hai kashmir ka
aap se aa.e nahīñ ham sair karne bāġhbāñ
laa.ī hai bād-e-sabā gulshan meñ lipTā kar lagā
aap se aae nahin hum sair karne baghban
lai hai baad-e-saba gulshan mein lipTa kar laga
ai asīrān-e-qafas aane ko hai fasl-e-ḳhizāñ
chār-din meñ aur gulshan kī havā ho jā.egī
ai asiran-e-qafas aane ko hai fasl-e-KHizan
chaar-din mein aur gulshan ki hawa ho jaegi
kuchh is aalam meñ vo be-parda nikle sair-e-gulshan ko
ki nasrīñ apnī ḳhushbū rañg bholī nastaran apnā
kuchh is aalam mein wo be-parda nikle sair-e-gulshan ko
ki nasrin apni KHushbu rang bholi nastaran apna
ai bahār-e-gulshan-e-nāz-o-nazākat har taraf
tere aane se huī hai aur bhī bustāñ meñ dhuum
ai bahaar-e-gulshan-e-naz-o-nazakat har taraf
tere aane se hui hai aur bhi bustan mein dhum
ye gulchīñ ne kyuuñ phuul gulshan meñ toḌā
ki is par haiñ TuuTe anā dil hazāroñ
ye gulchin ne kyun phul gulshan mein toDa
ki is par hain TuTe ana dil hazaron
jalve se tire hai kab ḳhālī phal phuul phalī patta Daalī
hai rañg tirā gulshan gulshan sub.hān-allāh sub.hān-allāh
jalwe se tere hai kab KHali phal phul phali patta Dali
hai rang tera gulshan gulshan subhan-allah subhan-allah
rañg par kal thā abhī lāla-gulshan kaisā
be-charāġh aaj hai har ek nasheman kaisā
rang par kal tha abhi lala-gulshan kaisa
be-charagh aaj hai har ek nasheman kaisa
gulshan meñ jā ke dāġh-e-jigar jab dikhā diyā
phūloñ ko ham ne paikar-e-hairat banā diyā
gulshan mein ja ke dagh-e-jigar jab dikha diya
phulon ko hum ne paikar-e-hairat bana diya
ab apne tasavvur meñ uḌā phirtā hai gulshan
taqdīr-e-asīrī par parvāz kahāñ hai
ab apne tasawwur mein uDa phirta hai gulshan
taqdir-e-asiri par parwaz kahan hai
afsos adam se aa ke kyā kiyā ham ne gulshan-e-hastī meñ
juuñ shabnam-o-gul royā na hañsā ye bhī na huā vo bhī na huā
afsos adam se aa ke kya kiya hum ne gulshan-e-hasti mein
jun shabnam-o-gul roya na hansa ye bhi na hua wo bhi na hua
tum na jaao zīnat-e-gulshan tumhāre dam se hai
tum chale jāoge to gulshan meñ kyā rah jā.egā
tum na jao zinat-e-gulshan tumhaare dam se hai
tum chale jaoge to gulshan mein kya rah jaega
dīda-e-bīnā-o-nābīnā ke ta.iiñ raushan kiyā
yak nigah meñ gulḳhan-e-vīrāñ kuuñ o gulshan kiyā
dida-e-bina-o-nabina ke tain raushan kiya
yak nigah mein gulKHan-e-viran kun o gulshan kiya
aaj ik aur baras biit gayā us ke baġhair
jis ke hote hue hote the zamāne mere
