Gunah Shayari

sharminda huuñ gunāh se apne maiñ is qadar

kyā chashm-e-pur-gunah ko terī dū-badū kareñ

sharminda hun gunah se apne main is qadar

kya chashm-e-pur-gunah ko teri du-badu karen

tufail-e-āl-e-muhammad najāt hogī najīb

siyāh-kār agar aur gunāh-gār huñ meñ

tufail-e-al-e-muhammad najat hogi najib

siyah-kar agar aur gunah-gar hun mein

yahī ḳhair hai kahīñ shar na ho koī be-gunāh idhar na ho

vo chale haiñ karte hue nazar kabhī is taraf kabhī us taraf

yahi KHair hai kahin shar na ho koi be-gunah idhar na ho

wo chale hain karte hue nazar kabhi is taraf kabhi us taraf

farishte mare baañT leñ kuchh gunāh

kamī ho gar ambārī dosh meñ

farishte mare banT len kuchh gunah

kami ho gar ambari dosh mein

gunāh kartā hai barmlā tū kisī se kartā nahīñ hayā tū

ḳhudā ko kyā muh dikhā.e gā tū zrā ai be-hayā hayā kar

gunah karta hai barmla tu kisi se karta nahin haya tu

KHuda ko kya muh dikhae ga tu zra ai be-haya haya kar

be-piye bhī sub.h-e-mahshar ham ko laġhzish hai bahut

qabr se kyuuñ kar uTheñ bār-e-gunāh kyuuñ kar uThe

be-piye bhi subh-e-mahshar hum ko laghzish hai bahut

qabr se kyun kar uThen bar-e-gunah kyun kar uThe

māsūmi-e-jamāl ko bhī jin pe rashk hai

aise bhī kuchh gunāh kiye jā rahā huuñ maiñ

masumi-e-jamal ko bhi jin pe rashk hai

aise bhi kuchh gunah kiye ja raha hun main

girdāb-e-gunāh meñ phañse haiñ

dāmān-e-dil-o-nigāh-tar hai

girdab-e-gunah mein phanse hain

daman-e-dil-o-nigah-tar hai

jāntā huuñ maiñ ki mujh se ho gayā hai kuchh gunāh

dilrubā yā be-diloñ se dil tumhārā phir gayā

jaanta hun main ki mujh se ho gaya hai kuchh gunah

dilruba ya be-dilon se dil tumhaara phir gaya

jo māñgnā ho ḳhudā se māñgo usī se baḳhshish kī iltijā ho

gunāh Dhal kar ho paanī paanī sambhal ke chaliye qadam qadam par

jo mangna ho KHuda se mango usi se baKHshish ki iltija ho

gunah Dhal kar ho pani pani sambhal ke chaliye qadam qadam par

kaaro rindo gunāh-e-mai-parastī

ki saaqī hai atā-pāsh-o-ḳhatā-posh

karo rindo gunah-e-mai-parasti

ki saqi hai ata-pash-o-KHata-posh

dil ko biThā.e detī hai taklīf raah kī

kyuuñ kar koī uThā.e ye gaThrī gunāh kī

dil ko biThae deti hai taklif rah ki

kyun kar koi uThae ye gaThri gunah ki