kahāñ mumkin hai kis se intizār-e-yār ho mujh sā
rahegī phir bhī yūñhī misl-e-nargis aañkh vā kis kī
kahan mumkin hai kis se intizar-e-yar ho mujh sa
rahegi phir bhi yunhi misl-e-nargis aankh wa kis ki
jab vo aate nahīñ shab-e-va.ada
maut kā intizār hotā hai
jab wo aate nahin shab-e-wada
maut ka intizar hota hai
aksar palaT ga.ī hai shab-e-intizār maut
marne na dard-e-dil ne diyā tā-sahar mujhe
aksar palaT gai hai shab-e-intizar maut
marne na dard-e-dil ne diya ta-sahar mujhe
ek din aisā bhī hogā intizār-e-yār meñ
niiñd aa jā.egī darvāza khulā rah jā.egā
ek din aisa bhi hoga intizar-e-yar mein
nind aa jaegi darwaza khula rah jaega
jal hī gayā firāq tū ātish se hijr kī
āñkhoñ meñ mirī rah na sakā yaaro intizār
jal hi gaya firaq tu aatish se hijr ki
aankhon mein meri rah na saka yaro intizar
jab nigāheñ uTh ga.iiñ allāh-rī merāj-shauq
dekhtā kyā huuñ vo jān-e-intizār aa hī gayā
jab nigahen uTh gain allah-ri meraj-shauq
dekhta kya hun wo jaan-e-intizar aa hi gaya
jā kahe kū-e-yār meñ koī
mar gayā intizār meñ koī
ja kahe ku-e-yar mein koi
mar gaya intizar mein koi
hāzir hai bazm-e-yār meñ sāmān-e-aish sab
ab kis kā intizār hai 'akbar' kahāñ ho tum
hazir hai bazm-e-yar mein saman-e-aish sab
ab kis ka intizar hai 'akbar' kahan ho tum
kasrat-e-ummīd bhī aish-āfrīñ hone lagī
intizār-e-yār bhī rāhat-fazā hone lagā
kasrat-e-ummid bhi aish-afrin hone lagi
intizar-e-yar bhi rahat-faza hone laga
aa kar vo merī laash pe ye kah ke ro diye
tum se huā na aaj mirā intizār bhī
aa kar wo meri lash pe ye kah ke ro diye
tum se hua na aaj mera intizar bhi
na ā.eñge vo 'hasrat' intizār-e-shauq meñ yūñ-hīñ
guzar jā.eñge ayyām-e-bahār āhista āhista
na aaenge wo 'hasrat' intizar-e-shauq mein yun-hin
guzar jaenge ayyam-e-bahaar aahista aahista
dikhā.iye aaj rū-e-zebā uThā.iye darmiyāñ se parda
kahāñ se ab intizār-e-fardā yahī to sunte haiñ umr-bhar se
dikhaiye aaj ru-e-zeba uThaiye darmiyan se parda
kahan se ab intizar-e-farda yahi to sunte hain umr-bhar se
vasl kā intizār hī achchhā
ye to 'muztar' ḳhudā kare ki na ho
wasl ka intizar hi achchha
ye to 'muztar' KHuda kare ki na ho
jab nigāheñ uTh ga.iiñ allāh-rī merāj-shauq
dekhtā kyā huuñ vo jān-e-intizār aa hī gayā
jab nigahen uTh gain allah-ri meraj-shauq
dekhta kya hun wo jaan-e-intizar aa hi gaya
aa jā.iyo yaar ghar se jaldī
mat kushta-e-intizār kiijo
aa jaiyo yar ghar se jaldi
mat kushta-e-intizar kijo
na aayā kyā sabab ab alag rahā dil-e-intizār āḳhir
jahāñ hove vahāñ jā kar mujhne honā nisār āḳhir
na aaya kya sabab ab alag raha dil-e-intizar aaKHir
jahan howe wahan ja kar mujhne hona nisar aaKHir
mai se chullū bhar de saaqī jaam kā kyā intizār
abr aayā jhuum kar mauqa nahīñ tāḳhīr kā
mai se chullu bhar de saqi jam ka kya intizar
abr aaya jhum kar mauqa nahin taKHir ka
ujālā ho to DhūñDūñ dil bhī parvānoñ kī lāshoñ meñ
mirī barbādiyoñ ko intizār-e-sub.h-e-mahfil hai
ujala ho to DhunDun dil bhi parwanon ki lashon mein
meri barbaadiyon ko intizar-e-subh-e-mahfil hai
ḳhalvat-e-intizār meñ us kī
dar-o-dīvār kā tamāshā hai
KHalwat-e-intizar mein us ki
dar-o-diwar ka tamasha hai
intizār-e-qāsid-e-gum-gashta ne maarā 'nasīr'
kis tarah uḌ jā.iye kūche meñ us ke par lagā
intizar-e-qasid-e-gum-gashta ne mara 'nasir'
kis tarah uD jaiye kuche mein us ke par laga
din intizār kā to kaTā jis tarah kaTā
lekin kiso tarah na kaTī raat rah ga.ī
din intizar ka to kaTa jis tarah kaTa
lekin kiso tarah na kaTi raat rah gai
ai qayāmat aa bhī terā ho rahā hai intizār
un ke dar par laash ik rakhī hai kafnā.ī huī
ai qayamat aa bhi tera ho raha hai intizar
un ke dar par lash ek rakhi hai kafnai hui
ilāhī rañg ye kab tak rahegā hijr-e-jānāñ meñ
ki roz-e-be-dilī guzrā to shām-e-intizār aa.ī
ilahi rang ye kab tak rahega hijr-e-jaanan mein
ki roz-e-be-dili guzra to sham-e-intizar aai
tere va.adoñ kā e'tibār kise
go ki ho tāb-e-intizār kise
tere wadon ka e'tibar kise
go ki ho tab-e-intizar kise
ye haal khulā na kuchh bhī 'irfāñ'
hai tujh ko ye intizār kis kā
ye haal khula na kuchh bhi 'irfan'
hai tujh ko ye intizar kis ka
kar qatl shauq se maiñ tasadduq huā huā
sarkār nahīñ hai fikr jo huā intizār-e-ḳhās
kar qatl shauq se main tasadduq hua hua
sarkar nahin hai fikr jo hua intizar-e-KHas
qayāmat aa chukī dīdār-e-haq huā sab ko
ham ab talak bhī tirā intizār rakhte haiñ
qayamat aa chuki didar-e-haq hua sab ko
hum ab talak bhi tera intizar rakhte hain
na rahā intizār bhī ai yaas
ham umīd-e-visāl rakhte the
na raha intizar bhi ai yas
hum umid-e-visal rakhte the
dekho kū-e-yār meñ mat hazrat-e-dil rāh-e-ashk
intizār-e-qāfila manzil pe kyuuñ khīñche haiñ aap
dekho ku-e-yar mein mat hazrat-e-dil rah-e-ashk
intizar-e-qafila manzil pe kyun khinche hain aap
aaj ik aur baras biit gayā us ke baġhair
jis ke hote hue hote the zamāne mere
