Khafa Shayari

ḳhafā us se kyuuñ tū mirī jaan hai

'asar' tū koī dam kā mehmān hai

KHafa us se kyun tu meri jaan hai

'asar' tu koi dam ka mehman hai

us ne mayyat pe aa kar kahā

tum to sach-much ḳhafā ho ga.e

us ne mayyat pe aa kar kaha

tum to sach-much KHafa ho gae

der se aane pe mere terī dilkash barhamī

vo ḳhafā honā tirā vo rūThnā achchhā lagā

der se aane pe mere teri dilkash barhami

wo KHafa hona tera wo ruThna achchha laga

vo mere sar ko Thukrāte haiñ sajdoñ se ḳhafā ho kar

jabīñ se merī paivasta hai un kā āstāñ phir bhī

wo mere sar ko Thukraate hain sajdon se KHafa ho kar

jabin se meri paiwasta hai un ka aastan phir bhi

jān-o-dil se bhī guzar jā.eñge

agar aisā hī ḳhafā kījiyegā

jaan-o-dil se bhi guzar jāeñge

agar aisa hi KHafa kijiyega

ajab haiñ ye rāz-o-niyāz-e-mohabbat

ḳhafā kyuuñ hue vo haiñ is par ḳhafā ham

ajab hain ye raaz-o-niyaz-e-mohabbat

KHafa kyun hue wo hain is par KHafa hum

aaj kyā hai kaho kyuuñ aise ḳhafā baiThe ho

apnī kahte ho na merī hī miyāñ sunte ho

aaj kya hai kaho kyun aise KHafa baiThe ho

apni kahte ho na meri hi miyan sunte ho

maiñ fidā huuñ aap par aur aap ho mujh par ḳhafā

ye merī taqsīr hai yā kaj-adā.ī aap kī

main fida hun aap par aur aap ho mujh par KHafa

ye meri taqsir hai ya kaj-adai aap ki

ġhairoñ meñ na maiñ arz-e-tamannā se rukuñgā

iġhmāz kare vo sar-e-mahfil ki ḳhafā ho

ghairon mein na main arz-e-tamanna se rukunga

ighmaz kare wo sar-e-mahfil ki KHafa ho

der se aane pe mere terī dilkash barhamī

vo ḳhafā honā tirā vo rūThnā achchhā lagā

der se aane pe mere teri dilkash barhami

wo KHafa hona tera wo ruThna achchha laga

jahāñ ho bijliyoñ kā ḳhauf paiham

sukūn-e-āshiyāñ kuchh bhī nahīñ hai

jahāñ ho bijliyoñ kā ḳhauf paiham

sukūn-e-āshiyāñ kuchh bhī nahīñ hai

uTh jā.ūñgā ek din ḳhafā ho

yahāñ tak na karo udaas mujh ko

uTh jāūñgā ek din ḳhafā ho

yahāñ tak na karo udas mujh ko

achchhe se ḳhush bure se ḳhafā hai ye nafs-e-bad

dekhe koī to hāl-e-zār is sharīr kā

achchhe se KHush bure se KHafa hai ye nafs-e-bad

dekhe koi to haal-e-zar is sharir ka

ḳhafā sayyād hai chiiñ bar jabīñ gulchīñ hai kyā baa.is

burā kis kā kiyā taqsīr kī ham ne bhalā kis kī

KHafa sayyaad hai chin bar jabin gulchin hai kya bais

bura kis ka kiya taqsir ki hum ne bhala kis ki

mohabbat ke evaz rahne lage har-dam ḳhafā mujh se

kaho to aisī kyā sarzad huī āḳhir ḳhatā mujh se

mohabbat ke ewaz rahne lage har-dam KHafa mujh se

kaho to aisi kya sarzad hui aaKHir KHata mujh se

yā vo thī ḳhafā ham se yā ham haiñ ḳhafā un se

kal un kā zamāna thā aaj apnā zamānā hai

ya wo thi KHafa hum se ya hum hain KHafa un se

kal un ka zamana tha aaj apna zamana hai

maiñ ḳhafā ho ke jab uThā to vo bole 'kausar'

fitna-e-hashr ne chūme dam-e-raftār qadam

main KHafa ho ke jab uTha to wo bole 'kausar'

fitna-e-hashr ne chume dam-e-raftar qadam

go ziist se haiñ ham aap bezār

itnā pe na jaan se ḳhafā kar

go zist se hain hum aap bezar

itna pe na jaan se KHafa kar

tum ḳhafā ho to achchhā ḳhafā ho

ai buto kyā kisī ke ḳhudā ho

tum KHafa ho to achchha KHafa ho

ai buto kya kisi ke KHuda ho

ḳhafā mat ho 'bedār' andesha kyā hai

milā gar na vo aaj kal mil rahegā

KHafa mat ho 'bedar' andesha kya hai

mila gar na wo aaj kal mil rahega

hote āzurda ho aane se hamāre jo tum

ḳhush raho mat ho ḳhafā ham chale lo bismillāh

hote aazurda ho aane se hamare jo tum

KHush raho mat ho KHafa hum chale lo bismillah

kyā kahā maiñ ne jo nāhaq tum ḳhafā hone lage

kuchh sunā bhī yā ki yūñhī faisla hone lagā

kya kaha main ne jo nahaq tum KHafa hone lage

kuchh suna bhi ya ki yunhi faisla hone laga

agar ham se ḳhafā honā hai to ho jā.iye hazrat

hamāre ba.ad phir andāz-e-yazdāñ kaun dekhegā

agar hum se KHafa hona hai to ho jaiye hazrat

hamare baad phir andaz-e-yazdan kaun dekhega