Khat Shayari

us ne ḳhat bhejā jo mujh ko Daak par Daaka paḌā

yaar kyā kartā na thā mere muqaddar kā javāb

us ne KHat bheja jo mujh ko Dak par Daka paDa

yar kya karta na tha mere muqaddar ka jawab

halkī sī ik ḳharāsh hai qāsid ke halaq par

ye ḳhat javāb-e-ḳhat hai ki ḳhat kī rasīd hai

halki si ek KHarash hai qasid ke halaq par

ye KHat jawab-e-KHat hai ki KHat ki rasid hai

duā kah kar chalā banda salām aa kar karegā phir

ḳhat aave jab talak to bandagī se ḳhuub jaatā hai

dua kah kar chala banda salam aa kar karega phir

KHat aawe jab talak to bandagi se KHub jata hai

ruḳh pe har sūrat se rakhnā gul-ruḳhāñ ḳhat kā hai kufr

dekho qur.āñ par na rakhiyo bostāñ bahr-e-ḳhudā

ruKH pe har surat se rakhna gul-ruKHan KHat ka hai kufr

dekho quran par na rakhiyo bostan bahr-e-KHuda

ḳhat ke le jaane ko vahāñ koī mayassar na huā

durr huā ashk sad-afsos kabūtar na huā

KHat ke le jaane ko wahan koi mayassar na hua

durr hua ashk sad-afsos kabutar na hua

ilāhī 'āsī'-e-betāb kis se chhūTā hai

ki ḳhat meñ roz-e-qayāmat likhā hai naam ke ba.ad

ilahi 'asi'-e-betab kis se chhuTa hai

ki KHat mein roz-e-qayamat likha hai nam ke baad

ḳhuddārī-o-mahrūmī mahrūmī-o-ḳhuddārī

ab dil ko ḳhudā rakhe ab dil kā zamānā hai

KHuddari-o-mahrumi mahrumi-o-KHuddari

ab dil ko KHuda rakhe ab dil ka zamana hai

ḳhat-e-qismat miTāte ho magar itnā samajh lenā

ye harf-e-ārzū hāthoñ kī rañgat le ke uTTheñge

KHat-e-qismat miTate ho magar itna samajh lena

ye harf-e-arzu hathon ki rangat le ke uTThenge

vo kaun din hai ki ġhairoñ ko ḳhat nahīñ likhtā

qalam ke ban ko lage aag aur jale kāġhaz

wo kaun din hai ki ghairon ko KHat nahin likhta

qalam ke ban ko lage aag aur jale kaghaz

ātishīñ ruḳh par tire dekhe araq-ālūd ḳhat

jis ne gar sabza kabhū dekhā na ho tar aag meñ

aatishin ruKH par tere dekhe araq-alud KHat

jis ne gar sabza kabhu dekha na ho tar aag mein

ḳhat ke aane se paḌā hai shor mulk-e-husn meñ

daan kar sūraj-gahan kahte haiñ ai dilbar lagā

KHat ke aane se paDa hai shor mulk-e-husn mein

dan kar suraj-gahan kahte hain ai dilbar laga

mere siina par tum baiTho galā talvār se kaaTo

ḳhat-e-taqdīr maiñ samjhūñ ḳhat-e-shamshīr-e-burrāñ ko

mere sina par tum baiTho gala talwar se kaTo

KHat-e-taqdir main samjhun KHat-e-shamshir-e-burran ko

ai qāsid-e-ashk-o-paik sabā us tak na payām-o-ḳhat pahuñchā

tum kyā kaaro haañ qismat kā likhā ye bhī na huā vo bhī na huā

ai qasid-e-ashk-o-paik saba us tak na payam-o-KHat pahuncha

tum kya karo han qismat ka likha ye bhi na hua wo bhi na hua

takiye meñ kyā rakhā hai ḳhat-e-ġhair kī tarah

dekhūñ to maiñ navishta-e-qismat mirā na ho

takiye mein kya rakha hai KHat-e-ghair ki tarah

dekhun to main nawishta-e-qismat mera na ho

nau ḳhat to hazāroñ haiñ gulistān-e-jahāñ meñ

hai saaf to yuuñ tujh sā numūdār kahāñ hai

nau ḳhat to hazāroñ haiñ gulistān-e-jahāñ meñ

hai saf to yuñ tujh sā numūdār kahāñ hai

ye bhī qismat kā likhā apnī ki us ne yaaro

le ke ḳhat haath se qāsid kī na merā kholā

ye bhi qismat ka likha apni ki us ne yaro

le ke KHat hath se qasid ki na mera khola

nāma-bar ḳhat de ke us ko lafz kuchh mat boliyo

dam-ba-ḳhud rahiyo terī taqrīr kī hājat nahīñ

nama-bar KHat de ke us ko lafz kuchh mat boliyo

dam-ba-KHud rahiyo teri taqrir ki hajat nahin

kahtā huuñ ye un ke tasavvur se ai dushman-e-hastī-e-vahmī

jab Thahrā maiñ ik mauj-e-ravāñ ḳhat-e-mauj kī tarah miTā de mujhe

kahta hun ye un ke tasawwur se ai dushman-e-hasti-e-wahmi

jab Thahra main ek mauj-e-rawan KHat-e-mauj ki tarah miTa de mujhe

jab bhī ḳhat likhne baiThe unheñ

sirf le kar qalam rah ga.e

jab bhi KHat likhne baiThe unhen

sirf le kar qalam rah gae

paḌh ke terā ḳhat mire dil kī ajab hālat huī

iztirāb-e-shauq ne ik hashr barpā kar diyā

paDh ke tera KHat mere dil ki ajab haalat hui

iztirab-e-shauq ne ek hashr barpa kar diya

us ne likkhā ḳhat meñ ye shikva na karnā jaur kā

ham ne likh bhejā hai itnā apnī ye aadat nahīñ

us ne likkha KHat mein ye shikwa na karna jaur ka

hum ne likh bheja hai itna apni ye aadat nahin

phir na aayā phir ke gar vo nāma-bar achchhā huā

ḳhat kitābat uTh ga.ī ai sīm-bar achchhā huā

phir na aaya phir ke gar wo nama-bar achchha hua

KHat kitabat uTh gai ai sim-bar achchha hua

qāsid kī ummīd hai yaaro qāsid to aa jā.egā

lekin ham us vaqt na hoñge jab un kā ḳhat aa.egā

qasid ki ummid hai yaro qasid to aa jaega

lekin hum us waqt na honge jab un ka KHat aaega

un kā ḳhat aane se taskīn huī thī dil ko

jab ye dekhā ki likhā kyā to likhā kuchh bhī nahīñ

un ka KHat aane se taskin hui thi dil ko

jab ye dekha ki likha kya to likha kuchh bhi nahin