خط پر اشعار

اس نے خط بھیجا جو مجھ کو ڈاک پر ڈاکہ پڑا

یار کیا کرتا نہ تھا میرے مقدر کا جواب

ہلکی سی اک خراش ہے قاصد کے حلق پر

یہ خط جواب خط ہے کہ خط کی رسید ہے

دعا کہہ کر چلا بندہ سلام آ کر کرے گا پھر

خط آوے جب تلک تو بندگی سے خوب جاتا ہے

رخ پہ ہر صورت سے رکھنا گل رخاں خط کا ہے کفر

دیکھو قرآں پر نہ رکھیو بوستاں بہر خدا

خط کے لے جانے کو وہاں کوئی میسر نہ ہوا

در ہوا اشک صد افسوس کبوتر نہ ہوا

الٰہی آسیؔ بیتاب کس سے چھوٹا ہے

کہ خط میں روز قیامت لکھا ہے نام کے بعد

خودداری و محرومی محرومی و خودداری

اب دل کو خدا رکھے اب دل کا زمانا ہے

خط قسمت مٹاتے ہو مگر اتنا سمجھ لینا

یہ حرف آرزو ہاتھوں کی رنگت لے کے اٹھیں گے

وہ کون دن ہے کہ غیروں کو خط نہیں لکھتا

قلم کے بن کو لگے آگ اور جلے کاغذ

آتشیں رخ پر ترے دیکھے عرق آلود خط

جس نے گر سبزہ کبھو دیکھا نہ ہو تر آگ میں

خط کے آنے سے پڑا ہے شور ملک حسن میں

دان کر سورج گہن کہتے ہیں اے دلبر لگا

میرے سینہ پر تم بیٹھو گلا تلوار سے کاٹو

خط تقدیر میں سمجھوں خط شمشیر براں کو

اے قاصد اشک و پیک صبا اس تک نہ پیام و خط پہنچا

تم کیا کرو ہاں قسمت کا لکھا یہ بھی نہ ہوا وہ بھی نہ ہوا

تکیے میں کیا رکھا ہے خط غیر کی طرح

دیکھوں تو میں نوشتۂ قسمت مرا نہ ہو

نو خط تو ہزاروں ہیں گلستان جہاں میں

ہے صاف تو یوں تجھ سا نمودار کہاں ہے

یہ بھی قسمت کا لکھا اپنی کہ اس نے یارو

لے کے خط ہاتھ سے قاصد کی نہ میرا کھولا

نامہ بر خط دے کے اس کو لفظ کچھ مت بولیو

دم بخود رہیو تیری تقریر کی حاجت نہیں

کہتا ہوں یہ ان کے تصور سے اے دشمن ہستی‌ وہمی

جب ٹھہرا میں اک موج رواں خط موج کی طرح مٹا دے مجھے

جب بھی خط لکھنے بیٹھے انہیں

صرف لے کر قلم رہ گئے

پڑھ کے تیرا خط مرے دل کی عجب حالت ہوئی

اضطراب شوق نے اک حشر برپا کر دیا

اس نے لکھا خط میں یہ شکوہ نہ کرنا جور کا

ہم نے لکھ بھیجا ہے اتنا اپنی یہ عادت نہیں

پھر نہ آیا پھر کے گر وہ نامہ بر اچھا ہوا

خط کتابت اٹھ گئی اے سیم بر اچھا ہوا

قاصد کی امید ہے یارو قاصد تو آ جائے گا

لیکن ہم اس وقت نہ ہوں گے جب ان کا خط آئے گا

ان کا خط آنے سے تسکین ہوئی تھی دل کو

جب یہ دیکھا کہ لکھا کیا تو لکھا کچھ بھی نہیں