Qasid Shayari

adab se sar jhukā kar qāsid us ke rū-ba-rū jaanā

nihāyat shauq se kahnā payām āhista āhista

adab se sar jhuka kar qasid us ke ru-ba-ru jaana

nihayat shauq se kahna payam aahista aahista

jhuuT kyuuñ kahtā hai ai qāsid ki vah aate nahīñ

vah agar aate nahīñ ham aap meñ aate haiñ kyuuñ

jhuT kyun kahta hai ai qasid ki wah aate nahin

wah agar aate nahin hum aap mein aate hain kyun

aah qāsid tū ab talak na phirā

dil dhaḌaktā hai kyā huā hogā

aah qāsid tū ab talak na phirā

dil dhaḌaktā hai kyā huā hogā

nahīñ ye kahtā maiñ tujh se qāsid ki un se be-vaqt haal kah de

magar jo pahlū nazar se guzre to us se pahlū-tahī na karnā

nahin ye kahta main tujh se qasid ki un se be-waqt haal kah de

magar jo pahlu nazar se guzre to us se pahlu-tahi na karna

ai qāsid-e-ashk-o-paik sabā us tak na payām-o-ḳhat pahuñchā

tum kyā kaaro haañ qismat kā likhā ye bhī na huā vo bhī na huā

ai qasid-e-ashk-o-paik saba us tak na payam-o-KHat pahuncha

tum kya karo han qismat ka likha ye bhi na hua wo bhi na hua

halkī sī ik ḳharāsh hai qāsid ke halaq par

ye ḳhat javāb-e-ḳhat hai ki ḳhat kī rasīd hai

halki si ek KHarash hai qasid ke halaq par

ye KHat jawab-e-KHat hai ki KHat ki rasid hai

pheñk do ḳhat likh ke qāsid se jo tum bezār ho

uḌ ke aa.egā jo hai mere muqaddar kā javāb

phenk do KHat likh ke qasid se jo tum bezar ho

uD ke aaega jo hai mere muqaddar ka jawab

bayān-e-dard-āgīñ hai kahegā jā ke kyā qāsid

hadīs-e-ārzū merī pareshāñ dāstāñ merī

bayan-e-dard-agin hai kahega ja ke kya qasid

hadis-e-arzu meri pareshan dastan meri

misr señ le kar ḳhabar yūsuf kī jo qāsid gayā

dīda-e-yāqūb raushan bū-e-pairāhan kiyā

misr sen le kar KHabar yūsuf ki jo qasid gaya

dida-e-yaqub raushan bu-e-pairahan kiya

kal kī bātoñ meñ to kuchh narmī sī hai

aaj phir qāsid ravānā kījiye

kal ki baaton mein to kuchh narmi si hai

aaj phir qasid rawana kijiye

qāsid kī ummīd hai yaaro qāsid to aa jā.egā

lekin ham us vaqt na hoñge jab un kā ḳhat aa.egā

qasid ki ummid hai yaro qasid to aa jaega

lekin hum us waqt na honge jab un ka KHat aaega

intizār-e-qāsid-e-gum-gashta ne maarā 'nasīr'

kis tarah uḌ jā.iye kūche meñ us ke par lagā

intizar-e-qasid-e-gum-gashta ne mara 'nasir'

kis tarah uD jaiye kuche mein us ke par laga

kahiyo ai qāsid payām us ko ki tere hijr se

jāñ-ba-lab pahuñchā nahīñ aatā hai tū yaañ ab talak

kahiyo ai qasid payam us ko ki tere hijr se

jaan-ba-lab pahuncha nahin aata hai tu yan ab talak

qāsid us kā payām kuchh bhī hai

kah duā yā salām kuchh bhī hai

qāsid us kā payām kuchh bhī hai

kah duā yā salām kuchh bhī hai

ye bhī qismat kā likhā apnī ki us ne yaaro

le ke ḳhat haath se qāsid kī na merā kholā

ye bhi qismat ka likha apni ki us ne yaro

le ke KHat hath se qasid ki na mera khola

nāma-e-laḳht-e-dil us be-dīd tak pahuñchā mirā

aaj phir ai qāsid-e-ashk-e-ravāñ bahar-e-ḳhudā

nama-e-laKHt-e-dil us be-did tak pahuncha mera

aaj phir ai qasid-e-ashk-e-rawan bahar-e-KHuda