sitamgar tujh se ummīd-e-karam hogī jinheñ hogī
hameñ to dekhnā ye thā ki tū zālim kahāñ tak hai
sitamgar tujh se ummid-e-karam hogi jinhen hogi
hamein to dekhna ye tha ki tu zalim kahan tak hai
ai chashm-e-tamannā tirī ummīd bar aa.e
uThtā hai naqāb-e-ruḳh-e-jānāna mubārak
ai chashm-e-tamanna teri ummid bar aae
uThta hai naqab-e-ruKH-e-jaanana mubarak
ummīd nahīñ ab kashti-e-dil sāhil pe salāmat jā pahuñche
dariyā-e-alam bhī baaḌh pe hai ashkoñ kī judā tuġhyānī hai
ummid nahin ab kashti-e-dil sahil pe salamat ja pahunche
dariya-e-alam bhi baDh pe hai ashkon ki juda tughyani hai
dil meñ jo rahte the ummīd kī duniyā ho kar
vo chale jaate haiñ kyuuñ dāġh-e-tamannā ho kar
dil mein jo rahte the ummid ki duniya ho kar
wo chale jate hain kyun dagh-e-tamanna ho kar
butoñ se ham husūl-e-sabr kī ummīd kyuuñ rakheñ
ye kyā deñge ḳhudā ke paas se ḳhud nā-subūr aa.e
buton se hum husul-e-sabr ki ummid kyun rakhen
ye kya denge KHuda ke pas se KHud na-subur aae
un se ummīd-e-vasl ai tauba
vo to sūrat dikhā nahīñ sakte
un se ummid-e-wasl ai tauba
wo to surat dikha nahin sakte
haath se ishq ke bachne kī to ummīd nahīñ
siina afgār hai dil ḳhuuñ hai jigar paanī hai
hath se ishq ke bachne ki to ummid nahin
sina afgar hai dil KHun hai jigar pani hai
dīvāngī ho aql ho ummīd ho ki yaas
apnā vahī hai vaqt pe jo kaam aa gayā
diwangi ho aql ho ummid ho ki yas
apna wahi hai waqt pe jo kaam aa gaya
gayā furqat kā ronā saath ummīd-o-tamanna ke
vo betābī hai aglī sī na chashm-e-ḳhūñ-chakāñ merī
gaya furqat ka rona sath ummid-o-tamanna ke
wo betabi hai agli si na chashm-e-KHun-chakan meri
kasrat-e-ummīd bhī aish-āfrīñ hone lagī
intizār-e-yār bhī rāhat-fazā hone lagā
kasrat-e-ummid bhi aish-afrin hone lagi
intizar-e-yar bhi rahat-faza hone laga
ziist merī aur ye ayyām-e-firāq
ai ummīd-e-vasl terā kaam hai
zist meri aur ye ayyam-e-firaq
ai ummid-e-wasl tera kaam hai
maiñ hamesha asīr-e-alam hī rahā mire dil meñ sadā terā ġham hī rahā
mirā naḳhl-e-ummīd qalam hī rahā mere rone kā koī samar na milā
main hamesha asir-e-alam hi raha mere dil mein sada tera gham hi raha
mera naKHl-e-ummid qalam hi raha mere rone ka koi samar na mila
azīzoñ se ummīd 'muztar' fuzūl
tavaqqo.a kī duniyā fanā ho ga.ī
azizon se ummid 'muztar' fuzul
tawaqqoa ki duniya fana ho gai
na thī ummīd hamdardī kī jin se
vahī taqdīr se hamdard nikle
na thi ummid hamdardi ki jin se
wahi taqdir se hamdard nikle
Dartā hī rahe insāñ is se ummīd gar hai baḳhshish kī
haiñ naam isī ke ye donoñ ġhaffār bhī hai qahhār bhī hai
Darta hi rahe insan is se ummid gar hai baKHshish ki
hain nam isi ke ye donon ghaffar bhi hai qahhaar bhi hai
tujhī se naqsh-e-nākāmī meñ haiñ ummīd ke jalve
shab-e-ġham hai qazā ke bhes meñ merā masīhā tū
tujhi se naqsh-e-nakaami mein hain ummid ke jalwe
shab-e-gham hai qaza ke bhes mein mera masiha tu
baḌī dargāh kā saa.il huuñ 'hasrat'
baḌī ummīd hai merī baḌā dil
baDi dargah ka sail hun 'hasrat'
baDi ummid hai meri baDa dil
sukūn-e-qalb kī ummīd ab kyā ho ki rahtī hai
tamannā kī do-chār ik har ghaḌī barq-e-balā mujh se
sukun-e-qalb ki ummid ab kya ho ki rahti hai
tamanna ki do-chaar ek har ghaDi barq-e-bala mujh se
farhād kis ummīd pe laatā hai jū-e-shīr
vaañ ḳhuun kī havas hai nahīñ ārzū-e-shīr
farhad kis ummid pe lata hai ju-e-shir
wan KHun ki hawas hai nahin aarzu-e-shir
ab to nazar meñ daulat-e-kaunain hech hai
jab tujh ko pā liyā dil-e-ummīd-vār ne
ab to nazar mein daulat-e-kaunain hech hai
jab tujh ko pa liya dil-e-ummid-war ne
qāsid kī ummīd hai yaaro qāsid to aa jā.egā
lekin ham us vaqt na hoñge jab un kā ḳhat aa.egā
qasid ki ummid hai yaro qasid to aa jaega
lekin hum us waqt na honge jab un ka KHat aaega
ārzū-e-dīn-o-duniyā ab nahīñ ‘bahrām’ kuchh
per mirā nikle ummīd-e-rahmat-e-yazdāñ meñ dam
aarzu-e-din-o-duniya ab nahin ‘bahram’ kuchh
per mera nikle ummid-e-rahmat-e-yazdan mein dam
yās-o-ummīd yuuñ rahīñ rāh-e-talab meñ saath saath
chaar qadam haTā diyā chaar qadam baḌhā diyā
yas-o-ummid yun rahin rah-e-talab mein sath sath
chaar qadam haTa diya chaar qadam baDha diya
uThegā yahāñ phir na kabhī shor-e-tamannā
dil biich yahī yaas ab ummīd kare hai
uThega yahan phir na kabhi shor-e-tamanna
dil bich yahi yas ab ummid kare hai
khilne lagī agar koī ummīd kī kalī
barq-e-alam taḌap ke girī aur jalā diyā
khilne lagi agar koi ummid ki kali
barq-e-alam taDap ke giri aur jala diya
vafā kī ho kisī ko tujh se kyā ummīd o zālim
ki ik aalam hai kushta terī tarz-e-bevafā.ī kā
wafa ki ho kisi ko tujh se kya ummid o zalim
ki ek aalam hai kushta teri tarz-e-bewafai ka
maiñ tirī ummīd meñ hastī miTā kar miT gayā
ab to ik Thokar lagā de pā-e-jānāna mujhe
main teri ummid mein hasti miTa kar miT gaya
ab to ek Thokar laga de pa-e-jaanana mujhe
aaj ik aur baras biit gayā us ke baġhair
jis ke hote hue hote the zamāne mere
