Ustad Shayari

jo tumhārī baat hai hai vo zamāna se judā

shoḳhiyāñ ījād karte ho baḌe ustād ho

jo tumhaari baat hai hai wo zamana se juda

shoKHiyan ijad karte ho baDe ustad ho

bhūlegā na ai 'akbar' ustād kā ye misra.a

saaqī diye jā sāġhar jab tak na ho be-hoshī

bhulega na ai 'akbar' ustad ka ye misra

saqi diye ja saghar jab tak na ho be-hoshi

vahī insān hai 'ehsāñ' ki jise ilm hai kuchh

haq ye hai baap se afzūñ rahe ustād kā haq

wahī insān hai 'ehsāñ' ki jise ilm hai kuchh

haq ye hai bap se afzūñ rahe ustād kā haq

shā.erān-e-dahr ko ab hai pareshānī nasīb

karte haiñ ustād 'akmal' jam.a dīvāñ in dinoñ

shaeran-e-dahr ko ab hai pareshani nasib

karte hain ustad 'akmal' jama diwan in dinon

āñkhoñ āñkhoñ hī meñ khul jaate haiñ lākhoñ asrār

dars-e-ulfat ke liye hājat-e-ustād nahīñ

aankhon aankhon hi mein khul jate hain lakhon asrar

dars-e-ulfat ke liye hajat-e-ustad nahin

ahl-e-ālam kahte haiñ jas kau shahanshāh-e-suḳhan

maiñ bhī huuñ shāgird 'kausar' as jagat ustād kā

ahl-e-alam kahte hain jas kau shahanshah-e-suKHan

main bhi hun shagird 'kausar' as jagat ustad ka