basa.nt laa.ii naved-e-bahaar KHanda-e-gul

basa.nt laa.ii naved-e-bahaar KHanda-e-gul

nigaah-e-shauq hu.ii kaamgaar KHanda-e-gul

nikhaar par hai ruKH-e-taabdaar KHanda-e-gul

KHizaa.n ko phuu.nk na Daale.n sharaar KHanda-e-gul

chaman me.n aag na lag jaa.e aatish-e-gul se

kuchh aur gul na khile duud-e-aah-e-bulbul se

zahe nishaat phir aaraa.isho.n kaa saamaa.n hai

nigaar-kHaana-e-chii.n taKHta-e-gulsitaa.n hai

suruur kaa hai samaa.n ziinat-e-faraavaa.n hai

shagufta phuul hai.n nazaara gul-badaamaa.n hai

nazar-navaaz adaa.e.n hai.n husn-e-fitrat kii

bisaat-e-KHaak pe gul-kaariyaa.n hai.n qudrat kii

nasiim-e-sub.h me.n hai ra.ng-e-gulshan-aaraa.ii

sikhaa rahii hai shaguufo.n ko naaz-e-raa’naa.ii

gulo.n kii diid ke qaabil hai shaan-e-zebaa.ii

ki chashm-e-nargis-e-shahlaa bhii hai tamaashaa.ii

ruKH-e-chaman se na.ii taazgii huvaidaa hai

shajar nihaal hai.n ra.ng-e-bahaar paidaa hai

adaa-e-naaz se shaaKH-e-shajar lachaktii hai

ba-ra.ng-e-shabnam-e-tar taazgii Tapaktii hai

qabaa-e-Guncha-e-dil ta.ng phir masaktii hai

labo.n se ban ke tabassum KHushii jhalaktii hai

chaTak se kaliyo.n kii mohr-e-sukuut TuuT ga.ii

tufial-e-baad-e-sabaa buu chaman kii phuuT ga.ii

shabaab-e-mausam-e-sarmaa hu.aa zavaal-paziir

jahaa.n me.n aab-o-havaa kii badal ga.ii taasiir

shagufta hone laggaa Guncha-e-dil dil-giir

bahaar-e-gul kii nigaaho.n me.n khi.nch ga.ii tasviir

basantii ra.ng kii poshaak zeb dene lagii

adaa-e-maah-jabiinaa.n fareb dene lagii

pighal ke bahne lagii barf kohsaaro.n se

’ayaa.n hai josh ravaanii ki aabshaaro.n se

buland KHaak kaa rutbaa hai laala-zaaro.n se

ki phuul karte hai.n chashmak-zanii sitaaro.n se

tarab-fazaa hai.n havaa.e basa.nt ke jho.nke

'ajab bahaar dikhaate hai.n khet sarso.n ke

suruur ban ke ye rut aa.e saal aatii hai

payaam-e-fasl-e-bahaarii hame.n sunaatii hai

chaman me.n sabza-e-KHvaabiida ko jagaatii hai

ha.nsaa ha.nsaa ke shaguufo.n ko gul khilaatii hai

usii se kaif-e-sharaab-e-nishaat taaza hai

ki rut basa.nt kii ruu-e-chaman kaa Gaaza hai

basa.nt laa.ii naved-e-bahaar KHanda-e-gul

nigaah-e-shauq hu.ii kaamgaar KHanda-e-gul

nikhaar par hai ruKH-e-taabdaar KHanda-e-gul

KHizaa.n ko phuu.nk na Daale.n sharaar KHanda-e-gul

chaman me.n aag na lag jaa.e aatish-e-gul se

kuchh aur gul na khile duud-e-aah-e-bulbul se

zahe nishaat phir aaraa.isho.n kaa saamaa.n hai

nigaar-kHaana-e-chii.n taKHta-e-gulsitaa.n hai

suruur kaa hai samaa.n ziinat-e-faraavaa.n hai

shagufta phuul hai.n nazaara gul-badaamaa.n hai

nazar-navaaz adaa.e.n hai.n husn-e-fitrat kii

bisaat-e-KHaak pe gul-kaariyaa.n hai.n qudrat kii

nasiim-e-sub.h me.n hai ra.ng-e-gulshan-aaraa.ii

sikhaa rahii hai shaguufo.n ko naaz-e-raa’naa.ii

gulo.n kii diid ke qaabil hai shaan-e-zebaa.ii

ki chashm-e-nargis-e-shahlaa bhii hai tamaashaa.ii

ruKH-e-chaman se na.ii taazgii huvaidaa hai

shajar nihaal hai.n ra.ng-e-bahaar paidaa hai

adaa-e-naaz se shaaKH-e-shajar lachaktii hai

ba-ra.ng-e-shabnam-e-tar taazgii Tapaktii hai

qabaa-e-Guncha-e-dil ta.ng phir masaktii hai

labo.n se ban ke tabassum KHushii jhalaktii hai

chaTak se kaliyo.n kii mohr-e-sukuut TuuT ga.ii

tufial-e-baad-e-sabaa buu chaman kii phuuT ga.ii

shabaab-e-mausam-e-sarmaa hu.aa zavaal-paziir

jahaa.n me.n aab-o-havaa kii badal ga.ii taasiir

shagufta hone laggaa Guncha-e-dil dil-giir

bahaar-e-gul kii nigaaho.n me.n khi.nch ga.ii tasviir

basantii ra.ng kii poshaak zeb dene lagii

adaa-e-maah-jabiinaa.n fareb dene lagii

pighal ke bahne lagii barf kohsaaro.n se

’ayaa.n hai josh ravaanii ki aabshaaro.n se

buland KHaak kaa rutbaa hai laala-zaaro.n se

ki phuul karte hai.n chashmak-zanii sitaaro.n se

tarab-fazaa hai.n havaa.e basa.nt ke jho.nke

'ajab bahaar dikhaate hai.n khet sarso.n ke

suruur ban ke ye rut aa.e saal aatii hai

payaam-e-fasl-e-bahaarii hame.n sunaatii hai

chaman me.n sabza-e-KHvaabiida ko jagaatii hai

ha.nsaa ha.nsaa ke shaguufo.n ko gul khilaatii hai

usii se kaif-e-sharaab-e-nishaat taaza hai

ki rut basa.nt kii ruu-e-chaman kaa Gaaza hai