masnawi turab dakani

'turāb' ab kar raqam rañgīñ-bayān-e-ū

sune jo ḳhalq saarā dāstān-e-ū

ite o dāstān kahtā huuñ yārāñ

ho.egā ḳhalq sab sun ashk-vārāñ

bha.ī us ke kaam hai ma.alūm kis kuuñ

apas kā bhed na.ī detā hai kis kuuñ

divāne ko miyānā kar dikhātā

siyāne ko divāna kar batātā

sunā huuñ gulshan-ābād ek nagar thā

vahā ekh mah-jabīñ gul-rū kā ghar thā

nihāyat husn meñ autār thī o

kul panchār meñ ḳhuñḳhār thī o

athī yo pāk-dāman pārsā naar

namāz-e-pañch-vaqta hor zikr chaar

kabhī nāġha nahīñ kartī thī aksar

chatur sab aurat meñ thī bichittra

ḳhasam raazī razā-mand sab qabīla

na jaane aurat kā makr-o-hīla

achhe hil-mil hamesha o ḳhasam suuñ

ke jyuuñ hai āshnā sābit-qadam suuñ

kabhī koī na.iiñ huā āzūdāñ-ḳhātir

athī ḳhush-ḳhulq mū dilbar vazāhir

jahāñ āvāz nā-mahram kā aave

vo tauba kar vahāñ suuñ aTlī jaave

uucha ghuñghaT na saarā muñh ko khole

na bātāñ shoḳh mil shoḳhiyāñ suuñ bole

va lekin saro-qad nāzuk-badan thī

sakal ḳhūbāñ mane jaadū nayan thī

kamān abrū nigāhe ḳhanjar palak tiir

adā saif du-dhārā zulaf zanjīr

sar pā nāznīn dildār dil-bar

balā thī zulm thī zālim sitamgar

kahāñ lag us parī-rū ko sarā.ū

dil āshiq mirā kar kyuuñ jalā.ūñ

gayā thā naukrī ko us kā ḳhāvind

akelī ghar meñ thī dildār dil-band

hue the din jo koī shātir nā aayā

ḳhabar bhī ḳhairiyat kī koī na laayā

par us nagar o gul-badan naar

kahīñ maare gayā yā o bīmār

kahe phir daa.ī ko o yuuñ bulā kar

bulā bulā ko daa.ī jald jā kar

bhot din so nahīñ aa.ī ḳhabar hai

na jaane kyā sabab un ke uupar hai

o ab lag naukrī kis kā kiye na.iiñ

jo ghar kī kuchh ḳhabar hargiz liye na.iiñ

yā ka.ī lashkar meñ jā sapḌe haiñ ran meñ

yā kara.ī aTke haiñ shauq-o-rāg-o-rañg meñ

yā koī sautan ne dil un kā bahlā.ī

yā kis ke jā hue haiñ ghar jañvā.ī

bhot jādū-garāñ rāñdāñ vahāñ haiñ

uno jā kar rahe chākar vahāñ haiñ

mere bin yak ghaḌī rahtā nahīñ thā

mere bin baat kara.ī kartā nahīñ thā

atā bhejā na.ī jhūTī kitābat

kiyā hai jā ke shāyad vahāñ kī aurat

kyā to ḳhuub hai jiitā rahe o

ḳhabar aa.ī to us kī bas hai dekho

sunī u baat so daa.ī chalī bhaar

bechārī naar kuuñ karne giraftār

jahāñ paḌte the laḌke bhot se mil

vahāñ baiThā thā mullā yak fāzil

le tasbīh haat meñ kartā zikr thā

lagan ke dard suuñ o be-ḳhabar thā

rakhe shamla chīra bādhe madūr

kare shānī-sharī.at kaam aksar

sunāve sab kateñ masla-masā.il

karī taslīm jā kar us ko daa.ī

haqīqat bol ḳhat likhne bulā.ī

sunā so daa.ī suuñ mullā ne u baat

chalā le kar qalam dāvāt sañgāt

ḳhabar biibī ko de aayā hai mullā

kahe biibī use ghar meñ bulā yahāñ

uneñ but-ghar meñ gosha kar bulā.ī

bichhaunā karte parde kan bi.Thā.ī

apī baiThī sundar parde ke andar

bulā mullā kuuñ apne ghar bhītar

biThā parde kane mullā bichāra

suno baarī lagan kā yak nazāra

gañvāyā pārsā kī pārsā.ī

kiyā zohd-o-riyā kī jag-hañsā.ī

pūchhā le haat meñ mullā ḳhāma

haqīqat kyā likhūñ so vo naama

dekhā to o parī rū jhāktī thī

ġhurūr-e-husn meñ jiyūñ mad-matī thī

hue ek baar jo chak chaar donoñ

rahe hairat suuñ ho lāchār donoñ

yakāyak dekh dīvāna huā tab

lagā kahne ko bolo kyā likhūñ ab

kahe o nāznīñ sab apnā ahvāl

na samjī o huā so dekh behāl

haqīqat sab sunā bolī so sundar

kahā bhī kyā likhūñ gar

kahe bhī o parī-rū kar ke takrār

dekho phir kyā likhūñ bolā giraftār

kahī do-chār baar us kateñ tab

samaj ke dil mane dīvāna hai tab

dekhī to kuchh bhī paḌtā na likhtā

chupī-chap kyā likho kah kar bilakhtā

qalam yak haat aur yak haat qirtās

baiThā hairat-zada parde ke hai paas

kahī tab daa.ī kū ġhusse meñ aa kar

tū dīvāne kū kyuuñ laa.ī bulā kar

gayā thā kaañ terā tab hosh daa.ī

jo aise mast dīvāne kuuñ laa.ī

kahī tab daa.ī maiñ laa.ī thī syānā

itā distā huā ujḌā divāna

bhalā-chañgā suuñ mullā o disyā tab

bisar sab hosh dīvāna huā ab

lagā ab ke abhī meñ us ko shaitān

huā yak-bārgī bad-baḳht mastān

hamāre shahar meñ thā aa e che naamī

मोत aalam to kartā hai ġhulāmī

muā sab fāziloñ meñ o baḌā hai

na jaano kyā sabab us par khaḌā hai

hai saare mulk meñ us kā pukārā

jo kartā ḳhuub hai sadqa utārā

jahāñ lag bhot shaitāñ va ḳhabīsāñ

utarte us ke tābīzāñ soñ yak saañ

mue talpaT kī sab sun kar bhalā.ī

mūñDī kaaTe ko maiñ likhne bulā.ī

mue ke jiv ke gun maiñ jāntī kyā

karegā yo kakar pachhāntī kyā

kahī tab daa.ī ko de us ko jaane

bhot aalam meñ haiñ syāne divāne

kahī tab daa.ī miyāñ tum bhaar jaao

nako chup kyā likhūñ kar gul machāo

bulā le.uuñ tum to tab na.iiñ the divāne

bhale chañge dise tab mujko siyāne

yakāyak kyā huā maiñ tum po vaarī

bisar kar aql kā ga.ī hai tumārī

baḌ fāzil tumeñ mullā kalā kar

bha.ī kis achchhar kā pakḌā tum ko chhar

bhalā ab jaao apne ghar ko pyāre

huā kyā tum ko maiñ baarī tumāre

bisar shamla uThe kumlā ke mullā

rahā na.iiñ yaad tasbīh aur musallā

qalam dāvāt usī jaage saarā

uThā so kiyā likhūñ kar hāñkā maarā

lagā jab ishq kā saif du-dhārā

paDyā aalam meñ us kā kiyā likhūñ naam

rahā ho kar ḳhāk-goī gulfām

nahīñ hargiz kahīñ khātā thā khānā

thā phirtā kiyā likhūñ kartā divāna

sune yū baat jo shāgird saare

nañge pāvāñ che dauḌe sab bichāre

dekhe ustād kate kar qadam-bos

lage malne ko saare daste afsos

ke ai sāhab-e-karam fayyāz-e-ālam

ye tā kis paas jaanā dars ko ham

tume kaañ ga.e the ḳhat likhne kī ḳhātir

yakāyak kyā ghirā tuman par

'turab' ab kar raqam rangin-bayan-e-u

sune jo KHalq sara dastan-e-u

ite o dastan kahta hun yaran

hoega KHalq sab sun ashk-waran

bhai us ke kaam hai malum kis kun

apas ka bhed nai deta hai kis kun

diwane ko miyana kar dikhata

siyane ko diwana kar batata

suna hun gulshan-abaad ek nagar tha

waha ekh mah-jabin gul-ru ka ghar tha

nihayat husn mein autar thi o

kul panchaar mein KHunKHar thi o

athi yo pak-daman parsa nar

namaz-e-panch-waqta hor zikr chaar

kabhi nagha nahin karti thi aksar

chatur sab aurat mein thi bichittra

KHasam raazi raza-mand sab qabila

na jaane aurat ka makr-o-hila

achhe hil-mil hamesha o KHasam sun

ke jyun hai aashna sabit-qadam sun

kabhi koi nain hua aazudan-KHatir

athi KHush-KHulq mu dilbar wazahir

jahan aawaz na-mahram ka aawe

wo tauba kar wahan sun aTli jawe

ucha ghunghaT na sara munh ko khole

na baatan shoKH mil shoKHiyan sun bole

wa lekin saro-qad nazuk-badan thi

sakal KHuban mane jadu nayan thi

kaman abru nigahe KHanjar palak tir

ada saif du-dhaara zulaf zanjir

sar pa naznin dildar dil-bar

bala thi zulm thi zalim sitamgar

kahan lag us pari-ru ko sarau

dil aashiq mera kar kyun jalaun

gaya tha naukri ko us ka KHawind

akeli ghar mein thi dildar dil-band

hue the din jo koi shatir na aaya

KHabar bhi KHairiyat ki koi na laya

par us nagar o gul-badan nar

kahin mare gaya ya o bimar

kahe phir dai ko o yun bula kar

bula bula ko dai jald ja kar

bhot din so nahin aai KHabar hai

na jaane kya sabab un ke upar hai

o ab lag naukri kis ka kiye nain

jo ghar ki kuchh KHabar hargiz liye nain

ya kai lashkar mein ja sapDe hain ran mein

ya karai aTke hain shauq-o-rag-o-rang mein

ya koi sautan ne dil un ka bahlai

ya kis ke ja hue hain ghar janwai

bhot jadu-garan randan wahan hain

uno ja kar rahe chaakar wahan hain

mere bin yak ghaDi rahta nahin tha

mere bin baat karai karta nahin tha

ata bheja nai jhuTi kitabat

kiya hai ja ke shayad wahan ki aurat

kya to KHub hai jita rahe o

KHabar aai to us ki bas hai dekho

suni u baat so dai chali bhaar

bechaari nar kun karne giraftar

jahan paDte the laDke bhot se mil

wahan baiTha tha mulla yak fazil

le tasbih hat mein karta zikr tha

lagan ke dard sun o be-KHabar tha

rakhe shamla chira baadhe madur

kare shani-shariat kaam aksar

sunawe sab katen masla-masail

kari taslim ja kar us ko dai

haqiqat bol KHat likhne bulai

suna so dai sun mulla ne u baat

chala le kar qalam dawat sangat

KHabar bibi ko de aaya hai mulla

kahe bibi use ghar mein bula yahan

unen but-ghar mein gosha kar bulai

bichhauna karte parde kan biThai

api baiThi sundar parde ke andar

bula mulla kun apne ghar bhitar

biTha parde kane mulla bichaara

suno bari lagan ka yak nazara

ganwaya parsa ki parsai

kiya zohd-o-riya ki jag-hansai

puchha le hat mein mulla KHama

haqiqat kya likhun so wo nama

dekha to o pari ru jhakti thi

ghurur-e-husn mein jiyun mad-mati thi

hue ek bar jo chak chaar donon

rahe hairat sun ho lachaar donon

yakayak dekh diwana hua tab

laga kahne ko bolo kya likhun ab

kahe o naznin sab apna ahwal

na samji o hua so dekh behaal

haqiqat sab suna boli so sundar

kaha bhi kya likhun gar

kahe bhi o pari-ru kar ke takrar

dekho phir kya likhun bola giraftar

kahi do-chaar bar us katen tab

samaj ke dil mane diwana hai tab

dekhi to kuchh bhi paDta na likhta

chupi-chap kya likho kah kar bilakhta

qalam yak hat aur yak hat qirtas

baiTha hairat-zada parde ke hai pas

kahi tab dai ku ghusse mein aa kar

tu diwane ku kyun lai bula kar

gaya tha kan tera tab hosh dai

jo aise mast diwane kun lai

kahi tab dai main lai thi syana

ita dista hua ujDa diwana

bhala-changa sun mulla o disya tab

bisar sab hosh diwana hua ab

laga ab ke abhi mein us ko shaitan

hua yak-bargi bad-baKHt mastan

hamare shahar mein tha aa e che nami

मोत aalam to karta hai ghulami

mua sab fazilon mein o baDa hai

na jaano kya sabab us par khaDa hai

hai sare mulk mein us ka pukara

jo karta KHub hai sadqa utara

jahan lag bhot shaitan wa KHabisan

utarte us ke tabizan son yak san

mue talpaT ki sab sun kar bhalai

munDi kaTe ko main likhne bulai

mue ke jiw ke gun main jaanti kya

karega yo kakar pachhanti kya

kahi tab dai ko de us ko jaane

bhot aalam mein hain syane diwane

kahi tab dai miyan tum bhaar jao

nako chup kya likhun kar gul machao

bula leun tum to tab nain the diwane

bhale change dise tab mujko siyane

yakayak kya hua main tum po wari

bisar kar aql ka gai hai tumari

baD fazil tumen mulla kala kar

bhai kis achchhar ka pakDa tum ko chhar

bhala ab jao apne ghar ko pyare

hua kya tum ko main bari tumare

bisar shamla uThe kumla ke mulla

raha nain yaad tasbih aur musalla

qalam dawat usi jage sara

uTha so kiya likhun kar hanka mara

laga jab ishq ka saif du-dhaara

paDya aalam mein us ka kiya likhun nam

raha ho kar KHak-goi gulfam

nahin hargiz kahin khata tha khana

tha phirta kiya likhun karta diwana

sune yu baat jo shagird sare

nange pawan che dauDe sab bichaare

dekhe ustad kate kar qadam-bos

lage malne ko sare daste afsos

ke ai sahab-e-karam fayyaz-e-alam

ye ta kis pas jaana dars ko hum

tume kan gae the KHat likhne ki KHatir

yakayak kya ghira tuman par