risala barah bahaar

are man mujhe bol terā Thikāna

kahāñ sū huā hai yahāñ terā aanā

na terā yahāñ khīsh nā koī begāna

yahāñ suuñ kahāñ phir terā hogā jaanā

agar tū hai pardesī jogī syānā

are man nako re nako ho dīvāna

jiye lag to jorū bachche pyaar karte

muue par to murda kakar jī meñ Darte

tere saat hargiz nahīñ koī marte

tujhe gaaḌ maaTī meñ saare bisarte

ye aisā hai parpanch jhūTā jamānā

are man nako re nako ho dīvāna

ye tan-man sakal dhan badal jaane haare

apas kuuñ tuuñ maayā meñ nā ghālnā re

sukh ānand sū us ko nā pālnā re

har-ek bhāñt jiine ke din Tālnā re

jo hushiyār gunvant chātur hai raanā

are man nako re nako ho divāna

yahāñ chup tū do din musāfir ho aayā

barābar hai tuj kū jo apnā parāyā

abas jag ke dhandhe meñ tū shud gañvāyā

nahīñ kaam āye.gā apnā parāyā

bisar jā ko apnā so vo ghar purānā

are man nako re nako ho divāna

ye maaTī ke tan kū tū sigārtā kī

use chup khilātā hai ke duudh or ghī

nikal jā.egā tan sū jis vaqt par jī

rahegī vo āḳhir kū maaTī kī maaTī

मिथा buuj kar chup ye jhūThā jamānā

are man nako re nako ho divāna

bachche aur jorū na kuchh aa.egā kaam

ke jab maut kā tuj kuuñ āvegā paiġhām

devegā terī tuuch jhaḌtī sub.h-shām

bisar jā ke dhandhe manī-rām kā naam

chupī ātmā-rām kar-kar bahāna

are man nako re nako ho divāna

ruupā aur sonā tuuñ ek baar dekhat

akaḌtā hai kyuuñ pahan zar-tār kasvat

sabā maar lātoñ se levegī izzat

bisar jāvegā tab ye dhan maal daulat

ye duniyā ke maal kuuñ nā patyānā

are man nako re nako ho divāna

achā dekh chīra kisī ke tū sar par

apan kuuñ nahīñ kar ko hasrat nako kar

nahīñ kaam āye.gā ye hirs āḳhir

baqā jaan faanī terā yū samajh par

mudāmī samajh kar is kā Thikāna

are man nako re nako ho divāna

ye sansār suuñ haat dhonā hai āḳhir

sage-sodre mil ko ronā hai āḳhar

qabar meñ akelā che sonā hai āḳhir

tujhe ḳhāk-dar-ḳhāk honā hai āḳhir

........... ......... legā dekhat bichhānā

are man nako re nako ho divāna

are man tujhe raam kā ghar kate haiñ

bha.ī pañch-bhūt kā tujh kū jevar kateñ haiñ

munavvar sajā arsh-e-akbar kate haiñ

terā rutvā sab meñ buland-tar kate haiñ

ye bastī so duniyā po ho kar divāna

are man nako re nako ho divāna

qabar meñ terā koī saatī nahīñ hai

kaThin vaqt kā koī sagātī nahīñ hai

ba-juz raam ke koī saatī nahīñ hai

ke jis dil meñ ishq zaatī nahīñ hai

agar is balā se apan kuuñ bachānā

are man nako re nako ho divāna

'turāb' se tujhe kaam jab aa paḌegā

ho kar ghābrā tab nipaT gir paḌegā

terā tuj kū lene kā denā paḌegā

tū us vaqt par bol kis se laḌegā

jam.a kar ko sab māl-dhan kā ḳhazāna

are man nako re nako ho divāna

ai pañch-bhūt kyā hai chup itnā sāñsā

ghaḌī meñ jo tolā ghaḌī meñ jo maasā

begāna karoge charan se thī aasā

na rahiye upāmā nā rahiye udāsā

are man use kyā hai duniyā kā jhāñsā

liyā haat meñ bhiik kā jis se kāñsā

amīrāñ so behtar faqīrāñ kalāte

samaj farsh maḳhmal bagambar bichhāte

mankā koī khaa.e to koī mānik khāte

ho kar ḳhāk-dar-ḳhāk shāhī jagāte

are man use kyā hai duniyā kā jhāñsā

liyā haat meñ bhiik kā jis ne kāñsā

jo bāñdā lañgoTā lagā ḳhaak tan kuuñ

diyā chhoḌ ek baar jab un vatan kuuñ

jalā ishq kī baat meñ māl-o-dhan kuuñ

rakhī kaas nā paas hargiz kafan kuuñ

are man use kyā hai duniyā kā jhāñsā

liyā haat meñ bhiik kā jis se kāñsā

gadā māñge khātā hai TukḌe ghar-ghar

lagā kar lañgoTe kalātā qalandar

oḌe gūdaḌī hor bichhāve baganvar

rakhe faḳhr dāyam tū shāhā ke uupar

are man use kyā hai duniyā kā jhāñsā

liyā haat meñ bhiik kā jis se kāñsā

faqīro meñ kyā fikr darkār hai re

hamesha terā garm bāzār hai re

o ravāq mutlaq ḳharīdār hai re

har-yak jā po haadī sā dātār hai re

are man use kyā hai duniyā kā jhāñsā

liyā haat meñ bhiik kā jis ne kāñsā

na kisī ke bhale bolne kī ḳhush-hālī

na parvā-e-tahsīn hai nā Dar va gaalī

nā chāheñ garm lihāf nā bazm-e-nihālī

na dil meñ dard kuchh ġham kahat saalī

are man use kyā hai duniyā kā jhāñsā

liyā haat meñ bhiik kā jis ne kāñsā

hazārāñ suuñ paivand kiye gūdaḌī par

rakhā naam us kā va bistar

samajhtā hai us kuuñ va az kisvat-e-zar

na kis Thag kā vishvās nā chor kā Dar

are man use kyā hai duniyā kā jhāñsā

liyā haat meñ bhiik kā jis ne kāñsā

gadā kāsa-e-bañg jis vaqt chaḌhāve

maiñ purtagālī na ḳhātir meñ laave

bichhā kar bgambar shahanshāh phalāve

o takiya-nashīñ ka.iin na jaave na aave

are man use kyā hai duniyā kā jhāñsā

liyā haat meñ bhiik kā jis ne kāñsā

karam sū gadā haat jis kā pakaḌte

basar muflisī taḳht-e-shāhī o chaḌte

gadā kis sū hargiz na laḌte-jhagaḌte

na duniyā-o-daulat kuuñ dekhat akaḌte

are man use kyā hai duniyā kā jhāñsā

liyā haat meñ bhiik kā jis ne kāñsā

jo duniyā meñ sābit muhibb-e-alī hai

sadā us ke haq meñ faqīrī bhalī hai

gadā.ī kare hor kalāve valī hai

use jag kī rusvā.ī meñ kāmilī hai

are man use kyā hai duniyā kā jhāñsā

liyā bhiik kā haat meñ jis ne kāñsā

diyā aaj so o e che phir devegā kal

nako ho tuuñ chup kal kū dhoka sū bekal

samaj kar sadā boriyā farsh maḳhmal

'turāb' kā suḳhan ye sadā jaan afzal

are man use kyā hai duniyā kā jhāñsā

liyā haat meñ bhiik kā jis ne kāñsā

are man mujhe bol tera Thikana

kahan su hua hai yahan tera aana

na tera yahan khish na koi begana

yahan sun kahan phir tera hoga jaana

agar tu hai pardesi jogi syana

are man nako re nako ho diwana

jiye lag to joru bachche pyar karte

mue par to murda kakar ji mein Darte

tere sat hargiz nahin koi marte

tujhe gaD maTi mein sare bisarte

ye aisa hai parpanch jhuTa jamana

are man nako re nako ho diwana

ye tan-man sakal dhan badal jaane haare

apas kun tun maya mein na ghaalna re

sukh aanand su us ko na palna re

har-ek bhant jine ke din Talna re

jo hushiyar gunwant chatur hai rana

are man nako re nako ho diwana

yahan chup tu do din musafir ho aaya

barabar hai tuj ku jo apna paraya

abas jag ke dhandhe mein tu shud ganwaya

nahin kaam aayega apna paraya

bisar ja ko apna so wo ghar purana

are man nako re nako ho diwana

ye maTi ke tan ku tu sigarta ki

use chup khilata hai ke dudh or ghi

nikal jaega tan su jis waqt par ji

rahegi wo aaKHir ku maTi ki maTi

मिथा buj kar chup ye jhuTha jamana

are man nako re nako ho diwana

bachche aur joru na kuchh aaega kaam

ke jab maut ka tuj kun aawega paigham

dewega teri tuch jhaDti subh-sham

bisar ja ke dhandhe mani-ram ka nam

chupi aatma-ram kar-kar bahana

are man nako re nako ho diwana

rupa aur sona tun ek bar dekhat

akaDta hai kyun pahan zar-tar kaswat

saba mar laton se lewegi izzat

bisar jawega tab ye dhan mal daulat

ye duniya ke mal kun na patyana

are man nako re nako ho diwana

acha dekh chira kisi ke tu sar par

apan kun nahin kar ko hasrat nako kar

nahin kaam aayega ye hirs aaKHir

baqa jaan fani tera yu samajh par

mudami samajh kar is ka Thikana

are man nako re nako ho diwana

ye sansar sun hat dhona hai aaKHir

sage-sodre mil ko rona hai aaKHar

qabar mein akela che sona hai aaKHir

tujhe KHak-dar-KHak hona hai aaKHir

lega dekhat bichhana

are man nako re nako ho diwana

are man tujhe ram ka ghar kate hain

bhai panch-bhut ka tujh ku jewar katen hain

munawwar saja arsh-e-akbar kate hain

tera rutwa sab mein buland-tar kate hain

ye basti so duniya po ho kar diwana

are man nako re nako ho diwana

qabar mein tera koi sati nahin hai

kaThin waqt ka koi sagati nahin hai

ba-juz ram ke koi sati nahin hai

ke jis dil mein ishq zati nahin hai

agar is bala se apan kun bachana

are man nako re nako ho diwana

'turab' se tujhe kaam jab aa paDega

ho kar ghabra tab nipaT gir paDega

tera tuj ku lene ka dena paDega

tu us waqt par bol kis se laDega

jama kar ko sab mal-dhan ka KHazana

are man nako re nako ho diwana

ai panch-bhut kya hai chup itna sansa

ghaDi mein jo tola ghaDi mein jo masa

begana karoge charan se thi aasa

na rahiye upama na rahiye udasa

are man use kya hai duniya ka jhansa

liya hat mein bhik ka jis se kansa

amiran so behtar faqiran kalate

samaj farsh maKHmal bagambar bichhate

manka koi khae to koi manik khate

ho kar KHak-dar-KHak shahi jagate

are man use kya hai duniya ka jhansa

liya hat mein bhik ka jis ne kansa

jo banda langoTa laga KHak tan kun

diya chhoD ek bar jab un watan kun

jala ishq ki baat mein mal-o-dhan kun

rakhi kas na pas hargiz kafan kun

are man use kya hai duniya ka jhansa

liya hat mein bhik ka jis se kansa

gada mange khata hai TukDe ghar-ghar

laga kar langoTe kalata qalandar

oDe gudaDi hor bichhawe baganwar

rakhe faKHr dayam tu shaha ke upar

are man use kya hai duniya ka jhansa

liya hat mein bhik ka jis se kansa

faqiro mein kya fikr darkar hai re

hamesha tera garm bazar hai re

o rawaq mutlaq KHaridar hai re

har-yak ja po hadi sa datar hai re

are man use kya hai duniya ka jhansa

liya hat mein bhik ka jis ne kansa

na kisi ke bhale bolne ki KHush-haali

na parwa-e-tahsin hai na Dar wa gali

na chahen garm lihaf na bazm-e-nihaali

na dil mein dard kuchh gham kahat sali

are man use kya hai duniya ka jhansa

liya hat mein bhik ka jis ne kansa

hazaran sun paiwand kiye gudaDi par

rakha nam us ka wa bistar

samajhta hai us kun wa az kiswat-e-zar

na kis Thag ka wishwas na chor ka Dar

are man use kya hai duniya ka jhansa

liya hat mein bhik ka jis ne kansa

gada kasa-e-bang jis waqt chaDhawe

main purtagali na KHatir mein lawe

bichha kar bgambar shahanshah phalawe

o takiya-nashin kain na jawe na aawe

are man use kya hai duniya ka jhansa

liya hat mein bhik ka jis ne kansa

karam su gada hat jis ka pakaDte

basar muflisi taKHt-e-shahi o chaDte

gada kis su hargiz na laDte-jhagaDte

na duniya-o-daulat kun dekhat akaDte

are man use kya hai duniya ka jhansa

liya hat mein bhik ka jis ne kansa

jo duniya mein sabit muhibb-e-ali hai

sada us ke haq mein faqiri bhali hai

gadai kare hor kalawe wali hai

use jag ki ruswai mein kaamili hai

are man use kya hai duniya ka jhansa

liya bhik ka hat mein jis ne kansa

diya aaj so o e che phir dewega kal

nako ho tun chup kal ku dhoka su bekal

samaj kar sada boriya farsh maKHmal

'turab' ka suKHan ye sada jaan afzal

are man use kya hai duniya ka jhansa

liya hat mein bhik ka jis ne kansa