رسولِ خدا سیدالمرسلین

رسولِ خدا سیدالمرسلین

قیامت کے دن شافع المذنبین

نبوت کے مسند کا ہے جانشیں

کیا جس کی تعظیم روح الامین

عجب روز محشر کا سردار ہے

صف اصفیا میں وو سالار ہے

جگت میں اسے سلطنت ہے مدام

جماعت میں ہے انبیا کی امام

وہ شرع کا ہادی مستقیم

شریعت کے دریا کا درِ یتیم

حبیب خدا والیٔ روزگار

دوعالم کی اقلیم کا تاجدار

شہ انس و جاں سب کا مقبول ہے

نبوت کے گلزار کا پھول ہے

کہ جس واسطے خلق پیدا کیا

زمیں آسماں سب ہویدا کیا

کہا حق نے لولاک جس شان میں

شہنشاہ ہے ملک عرفاں میں

بنایا ہے حاکم کوں او شاد وو

ہے علم لدنی کا استاد وو

عجب ذاتِ احمد بلا میم ہے

کہ قرآن میں جس کی تعظیم ہے

ہے سب سروراں میں اسے سروری

اسی پر ہوا ختم پیغمبری

نہ ویسا ہوا کوئی بھی ابتدا

نہ اس باج ہووے گا اب کوئی دوجا

اول بھی وہی تھا اور آخر وہی

ہے باطن وہی اور ظاہر وہی

سراج اب نہ کر گفتگو بیشتر

ادب کے محل میں نہ جا پیشتر

کہ دم مارنے کی یہاں نہیں ہے بات

اگر چہ دو ہی ذات یہاں ہوئی صفات

دو ہی نور یہاں آ کے ظاہر ہوا

آپس آپ قدرت یو قادر ہوا

ولیکن ادب تجھ کوں درکار ہے

شریعت کی بے راہ دشوار ہے