دیوان امیر مرآۃ الغیب

کتاب: تعارف

امیر مینائی اردوکے مشہور و معروف شاعر و ادیب تھے۔ وہ بنیادی طور پر غزل کے منفرد شاعر تھے۔ ان کے کلام میں بڑی گہرائی اور گیرائی ہے جو صرف جذبات ہی کو متاثر نہیں کرتی بلکہ ذہن پر بھی اپنا گہرا اثر چھوڑتی ہے۔ ان کے علم و فضل، اعلیٰ اخلاق و زہد، سادگی اور خودداری، مروت و ہمدردی، ملنساری، خدمت خلق اور کثیرالتصانیف نے ان کی عزت اور شہرت اور بڑھادی تھی۔ اودھ کے آخری حکمراں نواب واجد علی شاہ آپ کی بڑی عزت کرتے تھے اور آپ کی شخصیت اور شاعری کے بڑے مداح تھے۔ حضرت امیرمینائی کا آبائی وطن لکھنؤ ہے اور یہیں پر آپ کی نشوونما ہوئی۔ان کی شاعری میں نازک خیالی، معنی آفرینی، فصاحت و بلاغت، تصوف اور اس کے مسائل موجود ہیں۔ زیر نظر کتاب امیر مینائی کا دیوان ہے۔ جس کا تاریخی نام "مراۃ الغیب" ہے۔ یہ دیوان نول کشور پریس سے طبع ہوا ہے جس میں قصائد و غزلیات کے علاوہ رباعیاں اور کچھ تہنیتی نظمیں بھی شامل ہیں۔

.....مزید پڑھئے

تبصرے

اس ای بک کا جائزہ لینے والے پہلے شخص بنیں۔

رائے دیجیے

ارسال کیجیے