کتاب: تعارف
درد دہلوی کے اس کام کو غیر معمولی اس لئے کہا جاسکتا ہے کہ معاصر کلام شعرا کو جمع کرنا اور اس کی اشاعت واقعی بڑا صبر آزما کام ہے۔ یہ کام موجودہ وقت میں بھلے ہی کار زیاں کی طرح لگتا ہو مگر یہی کام آنے والی نسل کے لئے ایک ادبی اثاثے کے طور پر قابل تسلیم ہوسکتا ہے۔ زیر نظر کتاب ’مسافران ادب‘ کے چوتھے حصے میں پہلے حصے سے لے کرکتاب ترتیب دیے جانے تک شاعروں کو ان کی سینریٹی (بزرگی) کی بنیاد پر مع تعارف جمع کیا گیا ہے۔ اس طرح کتاب کو ایک اشاریے کے طور پر دیکھا جاسکتا ہے۔
