کتاب: تعارف
مفتی عزیز الرحمن فاضل دیوبند ہونے کے ساتھ ہی بہترین مضمون نگار اور حضرت مدنی ؒ کے مجاز ین میں سے ہیں اور اکابرین سے بڑی عقیدت رکھتے ہیں۔ انہوں نے اس کتاب میں دارالعلوم دیوبند کے مشائخ کی تاریخ درج کی ہیں ۔ اسے یوں بھی کہا جا سکتا ہے کہ اس کتاب میں مشائخ دیوبند کی دو سو سالہ تواریخ محفوظ ہیں۔ کتاب کا آغاز ایک مقدمہ سے ہوا ہے۔ اس کے بعد حضرت میانجی نور محمد ؒ سے لے کر ۲۳ بزرگوں کے حالات بنیادی طور پر بیان کیے گئے ہیں اور چار حضرات کے تذکرے ضمناً اور مختصر بیان کئے گئے ہیں ۔ بر سبیل تذکرہ دارالعلوم دیوبند، مظاہر علوم سہارنپور کے احوال و کیفیات کو بھی دلکش پیرائے میں بیان کیا گیا ہے ۔ یہ مختصر مجموعہ بزرگان دیوبند کے حالات کوائف پر جامعیت کا حامل ہے ۔ تحریر میں اظہار عقیدت کا گہرا رنگ ہے ، بزرگوں کے تذاکر میں عظمت و احترام کا پورا پورا خیال رکھا گیا ہے ۔
