آخر گور ٹھکانا تیرا!
بہن، پتا، ماتا اور بھائی
دکھ میں کس نے آنکھ ملائی
تخت، حکومت، گھوڑے، ہاتھی
رہ جائیں گے سارے ساتھی
ساتھ ترے کس نے ہے جانا
آخر گور ٹھکانا
تیرا
آخر گور ٹھکانا
ہوگا تن مٹی کے نیچے
لاکھوں من مٹی کے نیچے
بجلی رہ رہ کر کڑکے گی
تربت میں چھاتی دھڑکے گی
چھوڑے گا اپنا بے گانہ
آخر گور ٹھکانا
تیرا
آخر گور ٹھکانا
سانس کا بربط ٹوٹا جانو
زیست کا دامن چھوٹا جانو
روح کاپنچھی اڑ جائے گا
اڑتے اڑتے یوں گائے گا
جیون کیا ہے ایک افسانہ
آخر گور ٹھکانا
تیرا
آخر گور ٹھکانا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
