وہ دیکھ فضا میں بن کے بادل

وہ دیکھ فضا میں بن کے بادل

پھیلا تیری آنکھ کا کاجل

کتنا شوخ ہے کتنا چنچل

ڈھلکا ڈھلکا ان کا آنچل

چھائے ہوئے ہیں ہر سو بادل

ساقی لے آمری چھاگل

دل سے دل کو راہ نہ کیوں ہو

میں بھی بیکل وہ بھی بیکل

کیسے کہے وہ اپنا فسانہ

چھائے ہوں جس پر غم کے بادل

آنکھ میں آنسو درد ہے دل میں

برسےگا پانی گرجےگا بادل

شوخ نگاہیں مست ادائیں

نور مجسم حسن مکمل

کس کے لئے بے چین ہو اسلمؔ

کون ہوا ہے نظروں سے اوجھل