پانی جنم جنم کے دامن میں لے چھپایا

دلچسپ معلومات

چوں کہ یہ گیت ابتداً مولانا عبدالقدیر صدیقی حسرت کی شان میں آپ کی سالگرہ ۲۷ رجب ۱۳۷۱ھ کے موقع پر پڑھی گئی تھی، اس لیے اس کو منقبت میں شامل کیا گیا، آپ نے سن کر بہت پسند فرمایا اور حسبِ ذیل بند عنایت فرما کر اس کو نعت بنا دیا، جب یہ نعت پڑھی گئی تو آپ نے فرمایا کہ ’’اس نعت کی کیفیت مجھ پر تین دن سے طاری ہے" پھر تو یہ مشہور نعت ہو گئی۔ آدم کا پوت آیا حوا کا جایا آیا حوروں نے مل کے گایا، ہریالا بنا آیا اس لیے اس بند کے ساتھ اس گیت کو نعت کے عنوان میں بھی شامل کیا گیا ہے، بعد کو ہز ماسٹرس وائس والوں نے اس گیت کو عزیز احمد خان وارثی قوال کی آواز میں ریکارڈ کر کے جاری کیا جس پر انہیں پدماشری کا خطاب دیا گیا۔، یہی گیت تھوڑے سے تغیر کے ساتھ غوث پاک شیخ عبدالقادر جیلانی کی منقبت کے طور پر آستانۂ شطاریہ میں پڑھا گیا، اسے بہاؤ الدین خاں قوال نے گایا جس کا ریکارڈ کبھی کبھار ریڈیو سیلون سے لگایا جاتا ہے، یہ گیت شیخ عبدالقادر جیلانی کی منقبت کے عنوان میں ملاحظہ کیا جا سکتا ہے۔