tarz-e-mansur pe mujhko bhi saza di jae

tarz-e-mansūr pe mujh ko bhī sazā dī jaa.e

jism ko mere jalā ḳhaak uḌā dī jaa.e

maiñ ne bhī apnā ḳhudā ek sanam meñ dekhā hai

mere us kufr ko bhī kHuub huā dī jaa.e

maiñ parastār-e-mohabbat huuñ mujhe fikr nahīñ

jism ke TukḌe hoñ yā suulī chaḌhā dī jaa.e

mere sarkār merā jī nahīñ lagtā yahāñ ab

mere haq meñ bhī koī hukm sunā dī jaa.e

qais mansūr-o-sarmad meñ lagāyā thā jo

mere dil meñ bhī vahī aag lagā dī jaa.e

aur to kuchh nahīñ bas ek tamannā hai yahī

un ke qadmoñ meñ mujhe thoḌī jagah dī jaa.e

ye mohabbat kā taraf-dār thā behtar yahī hai

jism ko kaaT ke dariyā meñ bahā dī jaa.e

naam 'āmir' kā bhī dīvānoñ meñ shāmil ho jaa.e

mere saaqī mujhe vo jaam pilā dī jaa.e

tarz-e-mansur pe mujh ko bhi saza di jae

jism ko mere jala KHak uDa di jae

main ne bhi apna KHuda ek sanam mein dekha hai

mere us kufr ko bhi kHub hua di jae

main parastar-e-mohabbat hun mujhe fikr nahin

jism ke TukDe hon ya suli chaDha di jae

mere sarkar mera ji nahin lagta yahan ab

mere haq mein bhi koi hukm suna di jae

qais mansur-o-sarmad mein lagaya tha jo

mere dil mein bhi wahi aag laga di jae

aur to kuchh nahin bas ek tamanna hai yahi

un ke qadmon mein mujhe thoDi jagah di jae

ye mohabbat ka taraf-dar tha behtar yahi hai

jism ko kaT ke dariya mein baha di jae

nam 'amir' ka bhi diwanon mein shamil ho jae

mere saqi mujhe wo jam pila di jae