dil le ke khaDa hun sar-e-bazar-e-mohabbat

dil le ke khaḌā huuñ sar-e-bāzār-e-mohabbat

kyā dil ko ḳharīdeñge ḳharīdār-e-mohabbat

dil haar gayā aur sukūñ bhī huā ġhārat

is tarh se huuñ barsar-e-paikār-e-mohabbat

vo sāmne aa jaa.e to siine se lagā luuñ

āġhosh meñ le kar karūñ iqrār-e-mohabbat

chehre pe chamak aa.e sukūñ bhī ho muyassar

ho jaa.e mere dil ko jo dīdār-e-mohabbat

ab chhoḌiye bhī shikve shikāyāt ke ambār

ik dūsre se kījiye iz.hār-e-mohabbat

ārām mile mujh ko jo ho 'rahbar' kī ziyārat

kahtā huuñ jise pyaar se maiñ yār-e-mohabbat

dil le ke khaDa hun sar-e-bazar-e-mohabbat

kya dil ko KHaridenge KHaridar-e-mohabbat

dil haar gaya aur sukun bhi hua ghaarat

is tarh se hun barsar-e-paikar-e-mohabbat

wo samne aa jae to sine se laga lun

aaghosh mein le kar karun iqrar-e-mohabbat

chehre pe chamak aae sukun bhi ho muyassar

ho jae mere dil ko jo didar-e-mohabbat

ab chhoDiye bhi shikwe shikayat ke ambar

ek dusre se kijiye izhaar-e-mohabbat

aaram mile mujh ko jo ho 'rahbar' ki ziyarat

kahta hun jise pyar se main yar-e-mohabbat