دل لے کے کھڑا ہوں سرِ بازارِ محبت

دل لے کے کھڑا ہوں سرِ بازارِ محبت

کیا دل کو خریدیں گے خریدارِ محبت

دل ہار گیا اور سکوں بھی ہوا غارت

اس طرح سے ہوں برسرِ پیکارِ محبت

وہ سامنے آ جائے تو سینے سے لگا لوں

آغوش میں لے کر کروں، اقرارِ محبت

چہرے پہ چمک آئے، سکوں بھی ہو میسر

ہو جائے میرے دل کو جو دیدارِ محبت

اب چھوڑیے بھی شکوے شکایات کے انبار

اک دوسرے سے کیجیے اظہارِ محبت

آرام ملے مجھ کو جو ہو رہبرؔ کی زیارت

کہتا ہوں جسے پیار سے میں یارِ محبت