dil mera la-pata nahin hota

dil mirā lā-patā nahīñ hotā

aap se gar lagā nahīñ hotā

zindagī maiñ agar na milte aap

maiñ kabhī aap kā nahīñ hotā

vo haiñ ahl-e-ġharaz mohabbat meñ

is liye rābta nahīñ hotā

'ishq hī maiñ agar na karatā to

be-vafā be-vafā nahīñ hotā

vo mire 'ishq kā bharam rakhtā

dil mirā phir ḳhafā nahīñ hotā

be-karāñ rāhateñ sukūn-e-dil

vo jo hotā to kyā nahīñ hotā

aadmī aadmī hī hotā hai

aadmī to ḳhudā nahīñ hotā

aap ko hai koī ġhalat-fahmī

'ishq meñ marhala nahīñ hotā

māl-o-daulat hai lāzmī 'rahbar'

'ishq phir mas.ala nahīñ hotā

dil mera la-pata nahin hota

aap se gar laga nahin hota

zindagi main agar na milte aap

main kabhi aap ka nahin hota

wo hain ahl-e-gharaz mohabbat mein

is liye rabta nahin hota

'ishq hi main agar na karata to

be-wafa be-wafa nahin hota

wo mere 'ishq ka bharam rakhta

dil mera phir KHafa nahin hota

be-karan rahaten sukun-e-dil

wo jo hota to kya nahin hota

aadmi aadmi hi hota hai

aadmi to KHuda nahin hota

aap ko hai koi ghalat-fahmi

'ishq mein marhala nahin hota

mal-o-daulat hai lazmi 'rahbar'

'ishq phir masala nahin hota