Sufinama

ishq mein ai kohkan kya zaKHm-e-sar darkar tha

Aasi Ghazipuri

ishq mein ai kohkan kya zaKHm-e-sar darkar tha

Aasi Ghazipuri

MORE BYAasi Ghazipuri

    ishq meñ ai kohkan kyā zaḳhm-e-sar darkār thā

    zaḳhm-e-dil darkār thā zaḳhm-e-jigar darkār thā

    uḌ ke jaanā bām-e-jānāñ tak magar darkār thā

    murġh-e-dil ko bāzū-e-murġh-e-nazar darkār thā

    soz-e-dil se dast-e-mātam panja-e-ḳhūñ kis liye

    haañ shab-e-ġham chāk-dāmān-e-sahar darkār thā

    pāk-bāzī apnī paiġhām-e-talab thī ishq meñ

    dho ke dāġh-e-tohmat-e-hastī safar darkār thā

    qarz kuchh guftugū āshiq se karte the raqīb

    naale to kuchh kam na the shāyad asar darkār thā

    ahl the mahrūmī-e-dīdār ke tum ai kalīm

    maiñ azal be-jigar mujh ko jigar darkār thā

    kyā sharāb-e-husn-e-sāqī jāñ-fizā thī vāh-vā

    mai-gusāro sāġhar-e-zuq-e-nazar darkār thā

    chāk-hā-e-dil ke Tāñke itnī be-rahmī ke saath

    dard-e-dil tujh ko bhī kuchh ai chāra-gar darkār thā

    mujh se be-miqdār dil aur jalva aap

    sach hai ai ḳhurshīd har zarre meñ ghar darkār thā

    dāġh-e-sozāñ chhoḌ kar āshiq ne rāh-e-adam

    pisaro tum ko charāġh-e-rahguzar darkār thā

    daaġh apnā de ke 'āsī' ne jo rāh-e-adam

    pisaro tum ko charāġh-e-rahguzar darkār thā

    lazzat-e-āzār 'āsī' ke samajhne ke liye

    dard-e-dil tujh ko bhī kuchh ai chāra-gar darkār thā

    ishq mein ai kohkan kya zaKHm-e-sar darkar tha

    zaKHm-e-dil darkar tha zaKHm-e-jigar darkar tha

    uD ke jaana baam-e-jaanan tak magar darkar tha

    murgh-e-dil ko bazu-e-murgh-e-nazar darkar tha

    soz-e-dil se dast-e-matam panja-e-KHun kis liye

    han shab-e-gham chaak-daman-e-sahar darkar tha

    pak-bazi apnī paigham-e-talab thi ishq mein

    dho ke dagh-e-tohmat-e-hasti safar darkar tha

    qarz ki kuchh guftugu aashiq se karte the raqib

    nale to kuchh kam na the shayad asar darkar tha

    ahl the mahrumi-e-didar ke tum ai kalim

    main azal ka be-jigar mujh ko jigar darkar tha

    kya sharab-e-husn-e-saqi jaan-fiza thi wah-wa

    mai-gusaro saghar-e-zuq-e-nazar darkar tha

    chaak-ha-e-dil ke Tanke itni be-rahmi ke sath

    dard-e-dil tujh ko bhi kuchh ai chaara-gar darkar tha

    mujh se be-miqdar ka dil aur jalwa aap ka

    sach hai ai KHurshid har zarre mein ghar darkar tha

    dagh-e-sozan chhoD kar aashiq ne li rah-e-adam

    pisaro tum ko charagh-e-rahguzar darkar tha

    dagh apna de ke 'asi' ne li jo rah-e-adam

    pisaro tum ko charagh-e-rahguzar darkar tha

    lazzat-e-azar 'asi' ke samajhne ke liye

    dard-e-dil tujh ko bhi kuchh ai chaara-gar darkar tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now