dil mein teri yaad ka hangam hai

dil meñ terī yaad kā hañgām hai

vaah kyā labrez merā jaam hai

rū-shanās-e-husn kyuuñ mujh ko kiyā

ab ye kaisā 'ishq kā ilzām hai

zindagī dī aur ye bhī kah diyā

tere qabza meñ tirā anjām hai

tum na aao ham samajh leñge yahī

ek ye bhī gardish-e-ayyām hai

rahbar-e-ulfat kī yā-rab ḳhair ho

manzil ulfat bahut badnām hai

tum ko āñkhoñ ne na dekhā ho kahīñ

dil kī duniyā meñ mirī kohrām hai

dil mujhe degā du'ā.eñ dil ko maiñ

gar yahī andāz-e-sub.h-o-shām hai

laao rakh leñ ham kaleja meñ use

ye tumhāre saath kis kā naam hai

dil mein teri yaad ka hangam hai

wah kya labrez mera jam hai

ru-shanas-e-husn kyun mujh ko kiya

ab ye kaisa 'ishq ka ilzam hai

zindagi di aur ye bhi kah diya

tere qabza mein tera anjam hai

tum na aao hum samajh lenge yahi

ek ye bhi gardish-e-ayyam hai

rahbar-e-ulfat ki ya-rab KHair ho

manzil ulfat bahut badnam hai

tum ko aankhon ne na dekha ho kahin

dil ki duniya mein meri kohram hai

dil mujhe dega du'aen dil ko main

gar yahi andaz-e-subh-o-sham hai

lao rakh len hum kaleja mein use

ye tumhaare sath kis ka nam hai