مرنے کے لئے جو مررہے ہیں

مرنے کے لئے جو مررہے ہیں

سامانِ حیات کررہے ہیں

دنیا میں یہی تو کر رہے ہیں

جینے کی ہوس میں مررہے ہیں

وہ دن گئے ڈھونڈتے تھے تم کو

اب اپنی تلاش کررہے ہیں

دشمن کا کوئی خطرہ نہیں ہے ہم کو

یاروں کے کرم سے ڈر رہے ہیں

ہم دام حیات میں الجھ کر

اللہ کو یاد کررہے ہیں

کوئٰی بھی نہیں شریکِ منزل

کس راہ سے ہم گزر رہے ہیں

وہ ہیں کہ ملے ہوئے ہیں ہم سے

ہم ہیں کہ تلاش کررہے ہیں

مسلمؔ ہیں وہی تو واقف راز

جو آپ سے بے خبر رہے ہیں