Sufinama

takHta-e-mashq-e-jafa Thahra to ye dil Thahra

Nazar Bhagalpuri

takHta-e-mashq-e-jafa Thahra to ye dil Thahra

Nazar Bhagalpuri

MORE BYNazar Bhagalpuri

    takHta-e-mashq-e-jafā Thahrā to ye dil Thahrā

    chuur jo shīsha huā un ke muqābil Thahrā

    jafā se tum na baaz aao to badleñ ham vafā se kyuuñ

    tumheñ vo kaam aa.egā hameñ ye kaam aa.egā

    sharārat naaz ġhamza sādgī shoḳhī adā ḳhūbī

    mujhe ik shān-e-jalvat tuune ḳhalvat meñ dikhā.ī hai

    ḳhirman-e-hastī jalāyā Dāl-dī jis par nazar

    nāz-o-gamze meñ bhī uske barq tāsīr hai

    kahnā ye nāma-bar ki thī hasrat-e-dīd mar ke bhī

    āñkheñ khulī rah ga.iiñ aap ke intizār meñ

    saḳht jaañ meñ aur mire qātil nāzuk dast-e-nāz

    haaye us par dhaar muḌ kar rah ga.ī shamshīr

    daad detā huuñ dil-e-zaḳhmī meñ tīr-andāz ko

    tiir to niklā magar paikāñ judā hotā nahīñ

    din-rāt zulf-o-ruḳh tasavvur hai aur ham

    bas mubtalā haiñ gardish-e-lail-o-nahār meñ

    guzārī ik umr sar paTak kar tumhāre dar par b-āh-o-zārī

    magar tumhāre na sañg-e-dar ko ḳhayāl aayā mirī jabīñ

    sharāb-e-mohabbat lazzat na pūchho

    piye rahā huuñ magar tishnagī hai

    takHta-e-mashq-e-jafa Thahra to ye dil Thahra

    chur jo shisha hua un ke muqabil Thahra

    jafa se tum na baz aao to badlen hum wafa se kyun

    tumhein wo kaam aaega hamein ye kaam aaega

    shararat naz ghamza sadgi shoKHi ada KHubi

    mujhe ek shan-e-jalwat tune KHalwat mein dikhai hai

    KHirman-e-hasti jalaya Dal-di jis par nazar

    naz-o-gamze mein bhi uske barq ki tasir hai

    kahna ye nama-bar ki thi hasrat-e-did mar ke bhi

    aankhen khuli hi rah gain aap ke intizar mein

    saKHt jaan mein aur mere qatil ka nazuk dast-e-naz

    haye us par dhaar muD kar rah gai shamshir ki

    dad deta hun dil-e-zaKHmi mein tir-andaz ko

    tir to nikla magar paikan juda hota nahin

    din-raat zulf-o-ruKH ka tasawwur hai aur hum

    bas mubtala hain gardish-e-lail-o-nahaar mein

    guzari ek umr sar paTak kar tumhaare dar par b-ah-o-zari

    magar tumhaare na sang-e-dar ko KHayal aaya meri jabin ka

    sharab-e-mohabbat ki lazzat na puchho

    piye ja raha hun magar tishnagi hai

    Source :
    • Book : Tazkira Muslim shora-e-Bihar-Voll.5 (Pg. 80)
    • Author : Hakeem Syed Ahmadullah Nadwi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now