ye ishq ki hai sarkar ahqar ghussa bhi yahan hai pyar bhi hai

ye ishq kī hai sarkār 'ahqar' ġhussa bhī yahāñ hai pyaar bhī hai

har zaḳhm-e-jigar ke phāhe meñ kāfūr bhī hai zañgār bhī hai

ai hazrat-e-dil nādāñ na bano rakho na qadam is kūcha meñ

ye us kī galī kā rasta hai pur-ḳhauf bhī hai pur-ḳhār bhī hai

kyā mai meñ milāyā hai tū ne kyā baat hai is meñ ai saaqī

jo riñd hai is maiḳhāne kā mad.hosh bhī hai hushiyār bhī hai

ye raaz kī bāteñ haiñ is ko samjhe to koī kyūñkar samjhe

insān hai putlā hairat kā majbūr bhī hai muḳhtār bhī hai

hairān hai tere maz.hab se sab gabrū musalmāñ ai 'ahqar'

ye us kī galī kā rasta hai pur-ḳhauf bhī hai pur-ḳhār bhī hai

Dartā hī rahe insāñ is se ummīd gar hai baḳhshish kī

haiñ naam isī ke ye donoñ ġhaffār bhī hai qahhār bhī hai

ye ishq ki hai sarkar 'ahqar' ghussa bhi yahan hai pyar bhi hai

har zaKHm-e-jigar ke phahe mein kafur bhi hai zangar bhi hai

ai hazrat-e-dil nadan na bano rakho na qadam is kucha mein

ye us ki gali ka rasta hai pur-KHauf bhi hai pur-KHar bhi hai

kya mai mein milaya hai tu ne kya baat hai is mein ai saqi

jo rind hai is maiKHane ka madhosh bhi hai hushiyar bhi hai

ye raaz ki baaten hain is ko samjhe to koi kyunkar samjhe

insan hai putla hairat ka majbur bhi hai muKHtar bhi hai

hairan hai tere mazhab se sab gabru musalman ai 'ahqar'

ye us ki gali ka rasta hai pur-KHauf bhi hai pur-KHar bhi hai

Darta hi rahe insan is se ummid gar hai baKHshish ki

hain nam isi ke ye donon ghaffar bhi hai qahhaar bhi hai