donon jaanib josh-e-ulfat ka asar hone laga

donoñ jānib josh-e-ulfat kā asar hone lagā

mujh ko ġhash aane lage vo be-ḳhabar hone lagā

jalva-gah meñ dekh leñ jī bhar ke aao bhī kahīñ

ab to āñkhoñ se taqāzā-e-nazar hone lagā

is tajāhul ne to ham ko aur bhī taḌpā diyā

pūchhtā hai yaar kyuuñ dard-e-jigar hone lagā

vaa.e bedardī miTāyā hī falak ne us ghaḌī

jab hamārī aah kā kuchh-kuchh asar hone lagā

kuchh to is pahlū se qātil par khulegā hāl-e-dil

kyā huā ḳhuuñ ārzuoñ kā agar hone lagā

dil se tum armān ban-ban kar nikal jaate ho aap

aur kahte ho ki naala be-asar hone lagā

rasm-e-ulfat se hameñ ehsān vo iizā milī

e'tibār-e-raushnī har dost par hone lagā

donon jaanib josh-e-ulfat ka asar hone laga

mujh ko ghash aane lage wo be-KHabar hone laga

jalwa-gah mein dekh len ji bhar ke aao bhi kahin

ab to aankhon se taqaza-e-nazar hone laga

is tajahul ne to hum ko aur bhi taDpa diya

puchhta hai yar kyun dard-e-jigar hone laga

wae bedardi miTaya hi falak ne us ghaDi

jab hamari aah ka kuchh-kuchh asar hone laga

kuchh to is pahlu se qatil par khulega haal-e-dil

kya hua KHun aarzuon ka agar hone laga

dil se tum arman ban-ban kar nikal jate ho aap

aur kahte ho ki nala be-asar hone laga

rasm-e-ulfat se hamein ehsan wo iza mili

e'tibar-e-raushni har dost par hone laga