ai sitamgar bewafa ye bewafai kab talak

ai sitamgar bevafā ye bevafā.ī kab talak

āshiqoñ kī tere kūche meñ duhā.ī kab talak

be-diloñ se dilrubā yā par-jafā.ī kab talak

sīdhī bātoñ meñ bhī terī kaj-adā.ī kab talak

ham to tujh par ho rahe haiñ jaan aur dil se fidā

dūsroñ ko dekh kar ye dilrubā.ī kab talak

ai kamāñ-abrū na har-dam maar tū tīr-e-nigāh

zulf-e-ḳham ḳhanjar se terī ḳhush-numā.ī kab talak

ham tere bīmār haiñ aur tū hamārā hai hakīm

jald mil hove shifā dard-o-davā.ī kab talak

ashk-e-ḳhūnī ro rahā huuñ terī furqat meñ hamesh

duur se dikhlāoge dast-e-hinā.ī kab talak

kho diyā sab nām-o-nañg ai bā-hayā tere liye

ham kareñge is jahāñ meñ be-hayā.ī kab talak

'ārifā' ham dostī se karte haiñ ijz-o-niyāz

phir batā ai nāz-parvar ye laḌā.ī kab talak

ai sitamgar bewafa ye bewafai kab talak

aashiqon ki tere kuche mein duhai kab talak

be-dilon se dilruba ya par-jafai kab talak

sidhi baaton mein bhi teri kaj-adai kab talak

hum to tujh par ho rahe hain jaan aur dil se fida

dusron ko dekh kar ye dilrubai kab talak

ai kaman-abru na har-dam mar tu tir-e-nigah

zulf-e-KHam KHanjar se teri KHush-numai kab talak

hum tere bimar hain aur tu hamara hai hakim

jald mil howe shifa dard-o-dawai kab talak

ashk-e-KHuni ro raha hun teri furqat mein hamesh

dur se dikhlaoge dast-e-hinai kab talak

kho diya sab nam-o-nang ai ba-haya tere liye

hum karenge is jahan mein be-hayai kab talak

'arifa' hum dosti se karte hain ijz-o-niyaz

phir bata ai naz-parwar ye laDai kab talak