Font by Mehr Nastaliq Web

پی لیا ہے بادۂ الفت کا پیمانہ ترا

اخترؔ نگینوی

پی لیا ہے بادۂ الفت کا پیمانہ ترا

اخترؔ نگینوی

MORE BYاخترؔ نگینوی

    پی لیا ہے بادۂ الفت کا پیمانہ ترا

    جھومتا پھرتا ہے کیسا آج دیوانہ ترا

    اپنے لب تک بھی کبھی آیا نہ پیمانہ ترا

    ظرف ہے کتنا تُنک اے پیر میخانہ ترا

    شمعِ بزمِ غیر تک کیوں جائے پروانہ ترا

    پاس رہتا ہے ترے اختر، ہے دیوانہ ترا

    دیکھ لے ساقی خمار آلودہ اپنی چشمِ سرخ

    ہے مئے گل رنگ سے لبریز پیمانہ ترا

    حسن میں سر نام تو ہے عشق میں بدنام ہم

    ہے ہمارا ذکر گھر گھر یا ہے افسانہ ترا

    تجھ کو نشہ نے جوانی کے نہ رکھا ہوش میں

    جو قدم پڑتا ہے وہ پڑتا ہے مستانہ ترا

    تیرہ بختی و پریشانیٔ دل جاتی نہیں

    عکس اس پر پڑ گیا کیا زلف جانانہ ترا

    غم میں کس مے نوش کے پیر مغاں ہے سر نگوں

    خم سبو ساغر صراحی شیشہ پیمانہ ترا

    میری آنکھوں میں رہے تو یا مرے دل میں رہے

    وہ بھی کاشانہ ترا ہے یہ بھی کاشانہ ترا

    سارے آئینوں میں کیا اچھا ہے دل کا آئینہ

    سج گیا اس آئینے سے آئینہ خانہ ترا

    بزم میں پروانہ ہے گلزار میں ہے عندلیب

    تیرے کوچے میں رہا کرتا ہے دیوانہ ترا

    اپنے عاشق کے جنازے کو نہ کیوں کندھا دیا

    دکھ نہ جاتا دو قدم کے واسطے شانہ ترا

    خاک ہو جائے گا جل جائے گا یہ مٹ جائے گا

    دل ہے اے شمعِ جمالِ یار پروانہ ترا

    میں وہ ہوں میخوار اے ساقی تری تعظیم کو

    شیشہ جھک جاتا ہے اٹھتا ہے جو پیمانہ ترا

    تیری توبہ کا یہاں اخترؔ کسے ہے اعتبار

    لا ابالی شخص ہے مذہب ہے رندانہ ترا

    مأخذ :
    • کتاب : انوار اختر (Pg. 24)

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    بولیے