تو را در خود نہاں رکھے، یہ میرا رازداں دل ہے

تو را در خود نہاں رکھے، یہ میرا رازداں دل ہے

تجلی میں تری گم ہو، ازل سے بیکراں دل ہے

تری فرقت میں جل اٹھا، شرارِ شوق کی صورت

تری قربت میں ہے روشن، چراغِ کہکشاں دل ہے

کہاں حاجت ہے مہتابی کہ تو ہے مہرِ عالم تاب

فقط تیرا ہی دیوانہ، سراپا نغمہ خواں دل ہے

بلا کی مستیاں رکھتا، ہے سجدے میں بھی رقصاں یہ

یہ کس کے در پہ باندھا ہے، جنوں کا کارواں دل ہے

نہ دنیا کی طلب اس کو، نہ زہد و دیر کا غم ہے

تری الفت میں گم ہو کر، یہ بے سوز و فغاں دل ہے

تری باتیں ہیں صہبا سی، لبوں سے جام چھلکے ہیں

جو بے ساقی رہے اک پل، وہی پل امتحاں دل ہے

کبھی منصور کی صورت، سرِ دارِ فنا آیا

کبھی صحراؤں میں گم ہو کے، عینِ لامکاں دل ہے

تری الفت میں گم ہو کر، جہاں کی قید کیا معنی

یہی زنداں اگر ہو تو، یہی باغِ جناں دل ہے

ہر اک ذرہ ترے جلوے کا آئینہ بنا آخر

نظر میں روشنی تیری، نفس میں ضوفشاں دل ہے

نہ دریا سے، نہ ساحل سے، نہ گردابوں سے شکوہ ہے

فقط تیری تمنا میں، رواں مثلِ رواں دل ہے

تری یادوں کے سائے میں، عجب راحت بھی رہتی ہے

عجب ہے درد کی لذت، عجب کیف و فغاں دل ہے

تری نظروں کی مستی نے، عطا کی بے خودی ایسی

کہ اپنی ہستیٔ موہوم سے اب بے نشاں دل ہے

تجلی دیکھ کر تیری، ہوا بے خود مرا دل بھی

قفس میں رقص کرتا ہے، سو مانندِ سماں دل ہے

یہی تابِ نظر نوشاؔ یہی سوزِ محبت ہے

یہی ہے رازِ ہستی کا، یہی عینِ نہاں دل ہے