ادراک سے بلند ہے وہم و گماں سے دور

ادراک سے بلند ہے وہم و گماں سے دور

دل میں جو ایک راز ہے لفظِ بیاں سے دور

ارض و فلک سے دور مکان و زماں سے دور

پہنچا ہوں جستجو میں تری لا مکاں سے دور

وہ ہر ادا سے ہیں میری ہستی میں جلوہ گر

چاہے مکاں سے دور ہوں یا لا مکاں سے دور

یہ بھی ہے اک فریب تنگ طرۂ نگاہ

ورنہ سر نیاز اور اس آستاں سے دور

اس طرزِ بندگی میں ہے دیوانگی کی شان

سجدے سے تو کر رہا ہوں مگر آستاں سے دور

شاید انہیں پہ ختم ہو روداد آشیاں

چمکیں تھیں بجلیاں جو ابھی آشیاں سے دور

ذوقِ طلب شعور طلب پر ہے منحصر

عنبرؔ وہیں سے پاس ہے منزل جہاں سے دور