نہ بہائے مجھ کو بیانِ جنت یہ ہیں کسی غیر گھر کی باتیں

نہ بہائے مجھ کو بیانِ جنت یہ ہیں کسی غیر گھر کی باتیں

وہ رونقِ بزمِ دو جہاں ہے میں چاہوں جس جلوہ گر کی باتیں

تجلیاں حسنِ یار کی تو مسکان سے کون و مکاں تلک ہیں!

جہاں پہ چاہو وہیں پہ دیکھو فقط ہیں اپنی نظر کی باتیں!

نظر نظر سے ملائی ایسی نظر نے کی رہنمائی ایسی

نظر نظر کو بتا رہی ہے نظر ہی جانے نظر کی باتیں!

میں کیا کہوں کہ ہے کیا کیا دیکھا طواف کرتا ہے آ کے کعبہ

جھکا چکا ہوں جبیں جہاں پر نہ پوچھو اس سنگِ در کی باتیں

کہیں مصر میں بکا رہی ہیں کہیں وہ سر کو کٹا رہی ہیں!

کسی کو در در پھرا ہی ہیں کسی کے تیر نظر کی باتیں!

کسی کو دیوانہ کر رہی ہیں کسی کو مستانہ کر رہی ہیں!

وہ خود سے بیگانہ کر رہی ہیں کسی کے جادو اثر کی باتیں

یہی عبادت یہی ریاضت قسم خدا کی یہی ہے جنت

امیرؔ سنتا رہوں میں صابر پیا کے کلیر نگر کی باتیں!