تمہارے در پر جو دھونی رمائے بیٹھے ہیں

تمہارے در پر جو دھونی رمائے بیٹھے ہیں

حرمِ کدہ سے وہ دامن بچائے بیٹھے ہیں

تمہارے کوچے سے مر کبھی ہم نہ نکلیں گے

ہم آج جان کی بازی لگائے بیٹھے ہیں

بگڑ کے بیٹھے ہیں ایسے سنور کے اٹھیں گے

تیرے فقیریوں آسن جمائے بیٹھے ہیں ہیں

تڑپ ہے دل میں تیرے گر چہ رب ارنی کی

وہ دیکھ طور پہ پردہ اٹھائے بیٹھے ہیں

دل و جگر بھی اور ہوش و حواس و عقل و خرد

ہم اپنے یار پہ سب کچھ لٹائے بیٹھے ہیں

ہزاروں گم ہوئے اہل نظر سرِ محفل

نظر نظر میں وہ ایسے سمائے بیٹھے ہیں

امیرؔ صابری دامن کو تو بھی پھیلا دے

زمانے بھر کی وہ بگڑی بنائے بیٹھے ہیں