آج ساقی کی نگاہ میں مستیوں کا جوش ہے

آج ساقی کی نگاہ میں مستیوں کا جوش ہے

ساری محفل میں جسے دیکھا وہی بے ہوش ہے

نجد سے اٹھ کر بگولے جانب محمل گیے

بعد مرنے کے کسی کی خاک میں یہ جوش ہے

منحصر کیا شمس و سرمد پہ ہے اور منصور پر

عشق کے میدان میں جو ہے کفن بردوش ہے

مستیاں منڈھلا رہیں میخانے کی دیوار پر

رنگ میں ڈوبا ہوا ہر اک بادۂ نوش ہے

اے امیرؔ صابری آنکھوں میں آنکھیں ڈال کر

اس کے میں قربان جس نے کر دیا مدہوش ہے