تمام بزم ہی مستِ شراب ہو کے رہی

تمام بزم ہی مستِ شراب ہو کے رہی

نگاہِ ناز تیری کامیاب ہو کے رہی

دعا یہ مستوں کی کیا خوب رنگ لائی ہے

گری جو بوند گھٹا سے شراب ہو کے رہی

چھپائی لاکھ محبت مگر وہ چھپ نہ سکی

وہ بے نقاب تھے یہ بے حجاب ہو کے رہی

کسی کے عشق میں جل جل کے خاک ہو کے رہی

دلِ خراب کی دنیا خراب ہو کے رہی

نمازِ عشق کے سجدوں کے واسطے دیکھو

جبینِ شوق میری انتخاب ہو کے رہی

چھپی ہوئی تھی جو ستر ہزاروں پردوں میں

وہ شان دیکھ لو اب بے نقاب ہو کے رہی

جو ان کے جلوؤں کی چکی ہے اک کرن بھی کہیں

امیرِؔ صابری وہ آفتاب ہو کے رہی