تزئینِ بزمِ کوچۂ جاناں تو دیکھیے

تزئینِ بزمِ کوچۂ جاناں تو دیکھیے

ہے بحرِ قتلِ عاشقاں ساماں تو دیکھیے

کس کس ادا نہ ناز سے اٹھا نقابِ حسن

لاکھوں ہوئے ہیں چاک گریباں تو دیکھیے

گر دیکھنی ہو تم نے قیامت تو آن کر

مجھ بدنصیب کی شبِ ہجراں تو دیکھیے

بس اک نگاہِ ناز سے چلمن سے جھانک لو

اے جان کوئی دم کے ہیں مہمان تو دیکھیے

برباد کر رہے ہو کیے جاؤ شوق سے

مہماں ہے کون دل میں میری جاں تو دیکھیے

لرزش میں آ گئی ہے میری کائنات آج

شاید ہوئی ہے جنبشِ مژگاں تو دیکھیے

دز دیدہ نگاہوں سے نمک پاشیاں نہ کر

زخمی ہیں پہلے ہی میرے ارمان تو دیکھیے

ساقی نے آج کھول دیے میکدے کے در

مٹتی ہے میکشو مئے عرفاں تو دیکھیے

میں نے امیرؔ صابری صابر کے فیض سے

سب طے کیے ہیں عشق کے میداں تو دیکھیے