har bhiD mein aur sare idaron mein aadmi

har bhiiḌ meñ aur saare idāroñ meñ aadmī

yuuñ hai had-e-nigāh nazāroñ meñ aadmī

dil ke tamām dard haiñ dil meñ chhupe hue

muskān jhūTī laayā qatāroñ meñ aadmī

ḳhanjar hai āstīñ meñ to bāteñ lagāv kī

rakhtā hai apnoñ ko bhī ḳhasāroñ meñ aadmī

jiitā hai har ghaḌī vo ’urūj-o-zavāl meñ

phūloñ ke sañg hai kabhī ḳhāroñ meñ aadmī

muddat huī hai chāñd pe pahuñche the ham kabhī

ab to dikhā.ī deñge sitāroñ meñ aadmī

kisko maiñ apnā samjhūñ parāyā kise kahūñ

'iz.hār' sāmne to hai hazāroñ meñ aadmī

har bhiD mein aur sare idaron mein aadmi

yun hai had-e-nigah nazaron mein aadmi

dil ke tamam dard hain dil mein chhupe hue

muskan jhuTi laya qataron mein aadmi

KHanjar hai aastin mein to baaten lagaw ki

rakhta hai apnon ko bhi KHasaron mein aadmi

jita hai har ghaDi wo ’uruj-o-zawal mein

phulon ke sang hai kabhi KHaron mein aadmi

muddat hui hai chand pe pahunche the hum kabhi

ab to dikhai denge sitaron mein aadmi

kisko main apna samjhun paraya kise kahun

'izhaar' samne to hai hazaron mein aadmi