jaan-o-dil sab watan par luTa kar gae

jān-o-dil sab vatan par luTā kar ga.e

qarz miTTī kā vo yuuñ chukā kar ga.e

jazba-e-ishq yuuñ thā vatan ke liye

ḳhaak meñ ḳhuun apnā milā kar ga.e

toḌ diiñ saarī zanjīr sab beḌiyāñ

ham-ko āzād bhārat dilā kar ga.e

'bos' 'āzād' 'bāpū' yā 'bismil' sabhī

dil meñ ahl-e-vatan ke samā kar ga.e

sūliyoñ par chaḌhe dushmanoñ kā magar

saarā nām-o-nishāñ vo miTā kar ga.e

chal diye bāñdh kar vo kafan shaan se

haath meñ apne parcham uThā kar ga.e

yaad rakhnā hai unko sadā jo sabaq

ham ko hubbulvatan kā paḌhā kar ga.e

hū kā aalam thā jab unkī arthī uThī

jāte-jāte ye sabko rulā kar ga.e

unkī azmat pe 'iz.hār' ko naaz hai

azmat-e-hind ko jo baḌhā kar ga.e

jaan-o-dil sab watan par luTa kar gae

qarz miTTi ka wo yun chuka kar gae

jazba-e-ishq yun tha watan ke liye

KHak mein KHun apna mila kar gae

toD din sari zanjir sab beDiyan

ham-ko aazad bhaarat dila kar gae

'bos' 'azad' 'bapu' ya 'bismil' sabhi

dil mein ahl-e-watan ke sama kar gae

suliyon par chaDhe dushmanoñ ka magar

sara nam-o-nishan wo miTa kar gae

chal diye bandh kar wo kafan shan se

hath mein apne parcham uTha kar gae

yaad rakhna hai unko sada jo sabaq

hum ko hubbulwatan ka paDha kar gae

hu ka aalam tha jab unki arthi uThi

jate-jate ye sabko rula kar gae

unki azmat pe 'izhaar' ko naz hai

azmat-e-hind ko jo baDha kar gae