hum tere ishq mein apne ko fana karte hain

ham tire 'ishq meñ apne ko fanā karte haiñ

zindagī hī meñ ġharaz fikr-e-baqā karte haiñ

ab to marne kī shab-o-roz du'ā karte haiñ

tere bīmār yahī apnī davā karte haiñ

haath uThā kar vo mujhe kos rahā thā lekin

dekh kar mujh ko ye bolā ki du'ā karte haiñ

ik zarā dekhiye mere dil-e-bīmār kī nabz

sunte haiñ aap masīhā haiñ davā karte haiñ

un par kyā tābish-e-ḳhurshīd qayāmat kā asar

jo tire sāyā-e-rahmat meñ rahā karte haiñ

baa'd muddat ke vo āmāda pa۔e-qatl hue

aaj ham sajda-e-shukrāna adā karte haiñ

rahte haiñ shab ko ham āġhosh ye jalve se tire

baaġh meñ gul jo dam-e-sub.h hañsā karte haiñ

apnī zulfoñ ke vo phandoñ ko dikhā kar bole

murġh is daam meñ be-dāna phañsā karte haiñ

ham-zabāñ apne rihā ho chuke suunā hai qafas

dekheñ kab qaid se vo ham ko rihā karte haiñ

kyā mubārak ye mirī naza.a kā 'ālam hai nadīm

vo bhī sar piiT ke ro-ro ke du'ā karte haiñ

koī īmān na laa.e to kareñ kyā ai 'arsh'

she'r ham rañg meñ 'momin' ke kahā karte haiñ

hum tere 'ishq mein apne ko fana karte hain

zindagi hi mein gharaz fikr-e-baqa karte hain

ab to marne ki shab-o-roz du'a karte hain

tere bimar yahi apni dawa karte hain

hath uTha kar wo mujhe kos raha tha lekin

dekh kar mujh ko ye bola ki du'a karte hain

ek zara dekhiye mere dil-e-bimar ki nabz

sunte hain aap masiha hain dawa karte hain

un par kya tabish-e-KHurshid qayamat ka asar

jo tere saya-e-rahmat mein raha karte hain

ba'd muddat ke wo aamada pa۔e-qatl hue

aaj hum sajda-e-shukrana ada karte hain

rahte hain shab ko hum aaghosh ye jalwe se tere

bagh mein gul jo dam-e-subh hansa karte hain

apni zulfon ke wo phandon ko dikha kar bole

murgh is dam mein be-dana phansa karte hain

ham-zaban apne riha ho chuke suna hai qafas

dekhen kab qaid se wo hum ko riha karte hain

kya mubarak ye meri naza ka 'alam hai nadim

wo bhi sar piT ke ro-ro ke du'a karte hain

koi iman na lae to karen kya ai 'arsh'

she'r hum rang mein 'momin' ke kaha karte hain