tum rang ho suKHan mein tum phul ho chaman mein

tum rañg ho suḳhan meñ tum phuul ho chaman meñ

tum ruuh ho badan meñ tum sham-e-anjuman meñ

raunaq jo thī guloñ kī sab ho ga.ī vo miTTī

un kī nazar jo badlī ḳhaak uḌ ga.ī chaman meñ

bāham ye tazkira hai jallād-e-charḳh kyā hai

lohā baras rahā hai bāñkoñ kī anjuman meñ

hubb-e-yār se milā maiñ ġhamgīñ thā ḳhush huā maiñ

murda thā jī uThā maiñ jaan aa ga.ī badan meñ

tum sair ko jo aate ik-tarfa gul khilāte

phūle na phir samāte gul apne pairahan meñ

ḳhāmosh 'asīr' har dam rahtā huuñ misl-e-ḳhātim

huuñ nām-dār-e-'ālam par mohr hai dahan meñ

tum rang ho suKHan mein tum phul ho chaman mein

tum ruh ho badan mein tum sham-e-anjuman mein

raunaq jo thi gulon ki sab ho gai wo miTTi

un ki nazar jo badli KHak uD gai chaman mein

baham ye tazkira hai jallad-e-charKH kya hai

loha baras raha hai bankon ki anjuman mein

hubb-e-yar se mila main ghamgin tha KHush hua main

murda tha ji uTha main jaan aa gai badan mein

tum sair ko jo aate ik-tarfa gul khilate

phule na phir samate gul apne pairahan mein

KHamosh 'asir' har dam rahta hun misl-e-KHatim

hun nam-dar-e-'alam par mohr hai dahan mein