کون سی شے ہے کہ جس میں نہیں جلوا ترا

کون سی شے ہے کہ جس میں نہیں جلوا ترا

کون سا سر ہے کہ جس میں نہیں سودا تیرا

کون بندہ ہے کہ دل سے نہیں بندا تیرا

وہی کافر ہے کہ پڑھتا نہیں کلما تیرا

منتظر ہوں نظر آتا نہیں جلوا تیرا

کیا قیامت ہے مجھے وعدۂ فردا تیرا

کس طرح فرض ہو مجھ کو اطاعت تری

حق تو یہ ہے کہ دل و جاں سے ہوں بندا تیرا

مجھ گنہگار کا بیڑا بھی کہیں پار لگے

جوش میں آئے الٰہی کہیں دریا تیرا

کوئی کعبہ میں کلیسا میں سمجھتا ہے کوئی

کیا تماشا ہے کہ کھلتا نہیں پردا تیرا

کیجیو مجھ کو نہ رسوا یہ کہے رکھتا ہوں

ہوں گنہگار پہ کہلاتا ہوں بندا تیرا

غم نہیں لکھتے ہیں گر کاتب اعمال ازلؔ

وہ مٹا دیں گے برا ہوگا جو لکھا تیرا