بطفیل_دامن_مرتضیٰ میں بتاؤں کیا مجھے کیا ملا

بطفیل دامن مرتضیٰ میں بتاؤں کیا مجھے کیا ملا

کہ علی ملے تو نبی ملے جو نبی ملے تو خدا ملا

ترے نقش پا سے قدم قدم جو مقام صبر و رضا ملا

کہیں خاک اہل جنوں ملی کہیں خون اہل وفا ملا

تو کریم ابن کریم ہے ترا فیض فیض عظیم ہے

ترے در سے جو بھی ملا مجھے مرے حوصلے سے سوا ملا

تو اسی کی آنکھ کا نور ہے تو اسی کے دل کا سرور ہے

کہ جسے بلند نظر ملی کہ جسے شعور ولا ملا

تو رفیق و آل رسول ہے تو شریک حال بتول ہے

مے معرفت کا سہ آتشہ یہ تو جام جس کو ملا ملا

بصد احتیاط نظر کبھی تری بارگہہ پہ نگہ جو کی

میں در نجف پہ وہ کھو گیا کہ وہیں مقام دنیٰ ملا

وہی تیرا کاملؔ با وفا وہی رات دن ترا تذکرہ

تری یاد ہی میں ہے زندگی تری یاد ہی میں مزا ملا