teri surat ki masum-o-hasin malum hoti hai

tirī sūrat ki ma.asūm-o-hasīñ ma.alūm hotī hai

mujhe gārat-gar-e-imman-o-dīñ ma.alūm hotī hai

mohabbat phūltī phaltī nahii. ma.alūm hotī hai

ye jalva-gāh-e-dil banjar zamīñ ma.alūm hotī hai

tasavvur jab tumhāre gesu-e-pur-ḳham kā aatā hai

mohabbat ek mār-e-āstīñ ma.alūm hotī hai

tumhārī be-vafā.ī ho ga.ī hai naqsh-e-dil jab se

tumhārī haañ bhī ai zālim nahii. ma.alūm hotī hai

mohabbat hai fareb-e-husn hī kā naam duniyā meñ

tumhārī baat nāseh dil-nashīñ ma.alūm hotī hai

uḌā kar le ga.ī hai haaye jo sabr-o-sukūñ mere

tumhārī hī nigāh-e-vāpsīñ ma.alūm hotī hai

hamāre ḳhāna-e-dil se kabhī bāhar nahīñ jaatī

tumhārī yaad bhī parda-nashīñ ma.alūm hotī hai

tumhārā hī tasavvur hai bahal jaatā hai jī jis se

vagarna zindagī andohgīñ ma.alūm hotī hai

tumhāre husn-e-rañgīñ meñ kashish hī aur hai varna

mujhe har chiiz duniyā kī hasīñ ma.alūm hotī hai

mohabbat jis kī Dīñgeñ mārte ho ai jahāñ vaalo

zarā dil DhūñD kar dekho kahīñ ma.alūm hotī hai

mileñge kyā 'asar' dair-o-haram mujh mast-o-be-kHud ko

mujhe to raah ghar kī bhī nahii. ma.alūm hotī hai

teri surat ki masum-o-hasin malum hoti hai

mujhe garat-gar-e-imman-o-din malum hoti hai

mohabbat phulti phalti nahi malum hoti hai

ye jalwa-gah-e-dil banjar zamin malum hoti hai

tasawwur jab tumhaare gesu-e-pur-KHam ka aata hai

mohabbat ek mar-e-astin malum hoti hai

tumhaari be-wafai ho gai hai naqsh-e-dil jab se

tumhaari han bhi ai zalim nahi malum hoti hai

mohabbat hai fareb-e-husn hi ka nam duniya mein

tumhaari baat naseh dil-nashin malum hoti hai

uDa kar le gai hai haye jo sabr-o-sukun mere

tumhaari hi nigah-e-wapsin malum hoti hai

hamare KHana-e-dil se kabhi bahar nahin jati

tumhaari yaad bhi parda-nashin malum hoti hai

tumhaara hi tasawwur hai bahal jata hai ji jis se

wagarna zindagi andohgin malum hoti hai

tumhaare husn-e-rangin mein kashish hi aur hai warna

mujhe har chiz duniya ki hasin malum hoti hai

mohabbat jis ki Dingen marte ho ai jahan walo

zara dil DhunD kar dekho kahin malum hoti hai

milenge kya 'asar' dair-o-haram mujh mast-o-be-kHud ko

mujhe to rah ghar ki bhi nahi malum hoti hai