sehat ne tumko KHub ubhaara hai aaj-kal

sehat ne tum ko ḳhuub ubhārā hai āj-kal

vallāh kyā shabāb tumhārā hai āj-kal

terā sitam vafā se bhī pyārā hai āj-kal

de zahr bhī mujhe to gavāra hai āj-kal

duniyā kī rāhatoñ se kinārā hai āj-kal

maiñ huuñ aur ik ḳhayāl tumhārā hai āj-kal

dil meñ basī huī hai koī sūrat hasīñ

shīshe meñ ik parī ko utārā hai āj-kal

dil jis meñ merī ārzuoñ kī thī būd-o-bāsh

milkiyat-e-butān-e-khud-ārā hai āj-kal

kuchh kuchh bachchī khuchī sī ummīdoñ ke saath saath

ġham ne bhī dil meñ pair pasārā hai āj-kal

tum ko agar hamārī mohabbat se aar hai

ham ne bhī apne nafs ko maarā hai āj-kal

terā agar yahī hai taġhāful to phir batā

tere baġhair kaun hamārā hai āj-kal

ai dil zamīn-e-ishq pe rakh phūñk kar qadam

duniyā kā zarra zarra sharārā hai āj-kal

dāvat kisī aziiz kī qismat meñ kab 'asar'

hotel kī roTiyoñ par guzārā hai āj-kal

sehat ne tum ko KHub ubhaara hai aaj-kal

wallah kya shabab tumhaara hai aaj-kal

tera sitam wafa se bhi pyara hai aaj-kal

de zahr bhi mujhe to gawara hai aaj-kal

duniya ki rahaton se kinara hai aaj-kal

main hun aur ek KHayal tumhaara hai aaj-kal

dil mein basi hui hai koi surat hasin

shishe mein ek pari ko utara hai aaj-kal

dil jis mein meri aarzuon ki thi bud-o-bash

milkiyat-e-butan-e-khud-ara hai aaj-kal

kuchh kuchh bachchi khuchi si ummidon ke sath sath

gham ne bhi dil mein pair pasara hai aaj-kal

tum ko agar hamari mohabbat se aar hai

hum ne bhi apne nafs ko mara hai aaj-kal

tera agar yahi hai taghaful to phir bata

tere baghair kaun hamara hai aaj-kal

ai dil zamin-e-ishq pe rakh phunk kar qadam

duniya ka zarra zarra sharara hai aaj-kal

dawat kisi aziz ki qismat mein kab 'asar'

hotel ki roTiyon par guzara hai aaj-kal