nam yun aashiq-e-sadiq tere kar jate hain

naam yuuñ āshiq-e-sādiq tire kar jaate haiñ

maut aane nahīñ paatī hai ki mar jaate haiñ

merī taqdīr se achchhe haiñ tumhāre gesū

jab bigaḌte haiñ sañvāre se sañvar jaate haiñ

raat bhar ro-ro ke ham ko bhī rulātī hai abas

ham se jaltī hai to ai sham.a-e-sahar jaate haiñ

abhī kam-sin haiñ vo sun kar mire naale shab-e-hijr

sahm jaate haiñ jhijhak jaate haiñ Dar jaate haiñ

ye kahāñ taab ki dekheñ ruḳh-e-raushan terā

marne vaale tare andāz pe mar jaate haiñ

al-madad jazba-e-dil ai kashish ishq-e-madad

mujh se phir ruuTh kai vo ġhair kai ghar jaate haiñ

uTh ke ka.aba se to ham aa.e haiñ but-ḳhāne ko

dekheñ ab but jo uThāte haiñ kidhar jaate haiñ

yaad rah jaatī hai be-mehrī-e-ahbāb 'ḳhalish'

din musībat ke guzarne ko guzar jaate haiñ

nam yun aashiq-e-sadiq tere kar jate hain

maut aane nahin pati hai ki mar jate hain

meri taqdir se achchhe hain tumhaare gesu

jab bigaDte hain sanware se sanwar jate hain

raat bhar ro-ro ke hum ko bhi rulati hai abas

hum se jalti hai to ai shama-e-sahar jate hain

abhi kam-sin hain wo sun kar mere nale shab-e-hijr

sahm jate hain jhijhak jate hain Dar jate hain

ye kahan tab ki dekhen ruKH-e-raushan tera

marne wale tare andaz pe mar jate hain

al-madad jazba-e-dil ai kashish ishq-e-madad

mujh se phir ruTh kai wo ghair kai ghar jate hain

uTh ke kaba se to hum aae hain but-KHane ko

dekhen ab but jo uThate hain kidhar jate hain

yaad rah jati hai be-mehri-e-ahbab 'KHalish'

din musibat ke guzarne ko guzar jate hain